തിരുവനന്തപുരം: വഴിയാത്രക്കാരിയെ ഇടുച്ചുവീഴ്ത്തി ബൈക്ക് റൈഡറുടെ അഭ്യാസം. തിരുവനന്തപുരം കല്ലമ്പലത്താ് വ്യാഴാഴ്ച്ചയാണ് സംഭവം. ബൈക്ക് സ്റ്റണ്ടിനിടെ നൗഫല്‍(18) എന്ന യുവാവാണ് പെണ്‍കുട്ടിയെ ഇടിച്ചുവീഴ്ത്തിയത്. നൗഫലിനെതിരെ അപകടകരമായി ബൈക്കോടിച്ചതിന് ആറുകേസുകള്‍ നിലവിലുണ്ട്.

വിദ്യാര്‍ത്ഥികള്‍ പോകുന്ന റോഡിലൂടെ അമിത വേഗത്തിലെത്തിയ ഇരു ചക്ര വാഹനത്തിന്റെ മുന്‍ഭാഗം ഉയര്‍ത്താനുള്ള ശ്രമത്തിനിടെയാണ് നൗഫലിന്റെ ബൈക്ക് വഴിയാത്രക്കാരിയായ പെണ്‍കുട്ടിയെ ഇടിച്ചിട്ടത്. അപകടത്തില്‍ പെണ്‍കുട്ടിക്കും നൗഫലിനും പരുക്കേറ്റു. സംഭവത്തിന്റെ ദൃശ്യങ്ങള്‍ പുറത്തുവന്നിട്ടുണ്ട്.

ഇയാളുടെ ലൈസന്‍സ് സസ്‌പെന്‍ഡ് ചെയ്യാന്‍ റിപ്പോര്‍ട്ട് നല്‍കുമെന്ന് കല്ലമ്പലം പൊലീസ് സംഭവത്തേക്കുറിച്ച് വിശദമാക്കി.