കൊച്ചി: മാസ്‌ക് ധരിച്ചില്ല, അങ്കമാലി കെ.എസ്.ആര്‍.ടി.സി ബസ് സ്റ്റേഷനിലിരുന്നയാള്‍ക്ക് ക്രൂര മര്‍ദനം. കെ.എസ്.ആര്‍.ടി.സി ജീവനക്കാരനാണ് ഇയാളുടെ കൈ അടിച്ചുപൊട്ടിച്ചത്. വടി കൊണ്ടുള്ള അടിയേറ്റ് കൈപൊട്ടി ചോരയൊലിക്കുന്നയാളുടെ ദൃശ്യങ്ങള്‍ സ്റ്റാന്‍ഡിലെ യാത്രക്കാരാണ് മൊബൈലില്‍ പകര്‍ത്തിയത്. എന്നല്‍ ഇയാളെ പിന്നീട് കണ്ടെത്തിയിട്ടില്ല. തമിഴ്‌നാട് സ്വദേശിയാണെന്നാണ് സംശയം.

മാസ്‌ക് ധരിക്കാതെ സ്റ്റാന്‍ഡില്‍ നിലത്തിരുന്നയാളെ ജീവനക്കാരന്‍ വടി കൊണ്ട് തല്ലുകയായിരുന്നു. തുടരെയുള്ള അടിയില്‍ കൈപൊട്ടി ചോരയൊലിച്ചതിനാല്‍ ഇയാള്‍ അവിടെതന്നെ കിടന്ന ഇയാളെ ഓട്ടോ ഡ്രൈവര്‍മാരുടെ പ്രതിഷേധത്തെത്തുടര്‍ന്ന് കെ.എസ്.ആര്‍.ടി.സി ജീവനക്കാര്‍തന്നെ ആശുപത്രിയില്‍ എത്തിക്കുകയായിരുന്നു.
അങ്കമാലി പൊലിസ് അന്വേഷണം ആരംഭിച്ചിട്ടുണ്ട്.