സോഷ്യല്‍ മീഡിയ ട്രെന്റിങാവുന്ന കാലത്ത് സെല്‍ഫി ഭ്രമം അതിരു കടക്കരുതെന്ന മുന്നറിയിപ്പുമായി പൊലിസ്.
അതിരുകടക്കുന്ന സെല്‍ഫി ഭ്രമം അപകടങ്ങളിലേക്കും മരണത്തിലേക്കും നയിക്കുന്ന സംഭവങ്ങള്‍ ധാരാളം ശ്രദ്ധയില്‍പ്പെട്ടുവെന്നും അപകട രംഗങ്ങളില്‍ ഉള്‍പ്പെടെ എവിടെയും സെല്‍ഫി എടുക്കുന്ന പൊതുസ്വഭാവത്തില്‍ പ്രതിഫലിക്കുന്നത് അപക്വമായ മനോനിലയാണെന്നും പൊലിസ് പറയുന്നു.

ഓടുന്ന ട്രെയിനിലും അപകടകരമായ മുനമ്പുകളിലും, വന്യമൃഗങ്ങള്‍ക്കു മുന്നിലും വെള്ളച്ചാട്ടങ്ങള്‍ക്കു സമീപവും സെല്‍ഫി എടുത്ത് തങ്ങളുടെ സാഹസികത പ്രകടിപ്പിക്കുവാന്‍ ശ്രമിക്കുന്നത് അവിവേകമാണ്.

അപകടകരമായ സ്ഥലങ്ങളില്‍ വെച്ച് അശ്രദ്ധമായി സെല്‍ഫി എടുക്കാന്‍ ശ്രമിക്കുന്നത് മൂലമുണ്ടാകുന്ന അപകടങ്ങള്‍ വര്‍ധിച്ചു വരുന്ന സാഹചര്യത്തിലാണ് കേരള പൊലീസിന്റെ ഫെയ്‌സ് ബുക്ക് പോസ്റ്റ്.