കണ്ണൂര്‍: കരാത്തെ ടൈംസ് ആയോധന കലാമാസികയും ഒക്കിനാവ ഉച്ചിറ്യൂ കരാത്തെ ഡോ കെനിയുകായ് അസോസിയേഷന്‍ ഓഫ് ഇന്ത്യയും സംയുക്തമായി സംഘടിപ്പിച്ച 27ാത് ഓള്‍ ഇന്ത്യ ഇന്‍വിറ്റേഷണല്‍  കരാത്തെ ഡോ കൊബുഡോ മത്സരങ്ങളും ഇന്ത്യ, ശ്രീലങ്ക സൗഹൃദ കരാത്തെ ഡോ കൊബുഡോ മത്സരങ്ങളും മുണ്ടയാട് ഇന്‍ഡോര്‍ സ്റ്റേഡിയത്തില്‍ തുടങ്ങി. തുറമുഖ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. മേയര്‍ ഇ.പി ലത അധ്യക്ഷയായി. 400ല്‍ പരം കരാത്തെ അഭ്യാസികള്‍ സെമിനറില്‍ പങ്കെടുത്തു.  കരാത്തെ മത്സരത്തില്‍ പങ്കെടുക്കുന്നതിന്ന് വിവിധ സംസ്ഥാനങ്ങളില്‍ നിന്നായി 500 പരം കരാത്തെ അഭ്യാസികള്‍ എത്തി. ഇന്നലെ നടന്ന മത്സരത്തില്‍ 100  പോ യിന്റ്  നേടി കേരളം ഒന്നാം  സ്ഥാനവും  60 പോയിന്റ്  നേടി കര്‍ണാടകം രണ്ടാം സ്ഥാനവും  40 പോയിന്റ് നേടി മഹാരാഷ്ട  മൂന്നാം  സ്ഥാനവും നേടി. 2016 ലെ 'കരാത്തെ ടൈംസ് ലൈഫ് ടൈം അച്ചീവ്‌മെന്റ് അവാര്‍ഡ് വയനാടിലെ പി.കെ ഗിരീഷിന്  സമ്മാനിച്ചു. മത്സരങ്ങള്‍ ഇന്ന് സമാപിക്കും.