കണ്ണൂര്‍: സംസ്ഥാന യുവജനക്ഷേമ ബോര്‍ഡ,് ദേശീയ സാഹസിക അക്കാദമിയുടെയും കിസാന്റെയും ആഭിമുഖ്യത്തില്‍ സംഘടിപ്പിച്ച ഇടനാടന്‍ കുന്നുകളിലെ ജൈവവൈവിധ്യ പഠനക്യാംപ് മാടായിപ്പാറയില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. ജില്ലാ പഞ്ചായത്ത് അംഗം അജിത അധ്യക്ഷയായി. ദേശീയ സാഹസിക അക്കാദമി സ്‌പെഷല്‍ ഓഫിസര്‍ പ്രണിത, യുവജനക്ഷേമ ബോര്‍ഡ് ജില്ലാ കോഓര്‍ഡിനേറ്റര്‍ അര്‍ജുന്‍ പാലയാട്, പരിസ്ഥിതി പ്രവര്‍ത്തകന്‍ ഭാസ്‌കരന്‍ വെള്ളൂര്‍, കിസാന്‍ സെക്രട്ടറി രത്‌നകുമാര്‍ സംസാരിച്ചു. ജില്ലയിലെ വിവിധ കോളജുകളില്‍ നിന്നുള്ള 45ഓളം വിദ്യാര്‍ഥികള്‍ക്കു ഭാസ്‌കരന്‍ വെള്ളൂര്‍, സര്‍സയ്യിദ് കോളജ് ഫോറസ്ട്രി വിഭാഗം പ്രൊഫസര്‍ ശ്രീജ എന്നിവര്‍ മാടായിപ്പാറയിലെ വിവിധയിനം പുഷ്പങ്ങള്‍, പക്ഷികള്‍, ചിത്രശലഭങ്ങള്‍ എന്നിവയെക്കുറിച്ച് ക്ലാസെടുത്തു.