ഭുവനേശ്വര്‍: സന്തോഷ് ട്രോഫിയില്‍ മഹാരാഷ്ട്രക്കെതിരെ കേരളത്തിന് തകര്‍പ്പന്‍ സമനില. ആദ്യപകുതിയില്‍ 4-1 ന് പിന്നില്‍ നിന്ന ശേഷമാണ് കേരളത്തിന്റെ തിരിച്ചു വരവ്. കേരളത്തിനു വേണ്ടി വിശാഖ് മോഹനന്‍, നിജോ ഗില്‍ബര്‍ട്ട്, അര്‍ജുന്‍ വി, ജോണ്‍ പോള്‍ ജോസ് എന്നിവര്‍ ഗോളുകള്‍ നേടി.

മഹാരാഷ്ട്രയ്ക്ക് വേണ്ടി സൂഫിയാന്‍ ഷെയ്ഖ് രണ്ടു ഗോള്‍ നേടി. ഹിമാന്‍ഷു പാട്ടീല്‍, സുമിത് ഭണ്ഡാരി എന്നിവര്‍ ഓരോ ഗോള്‍ വീതം അടിച്ചു. സമനിലയോടെ കേരളത്തിന്റെ സെമി ഫൈനല്‍ പ്രതീക്ഷ നിലനിര്‍ത്തി. സമനിലയില്‍ കയറാന്‍ ഇനിയുള്ള മത്സരങ്ങള്‍ കേരളത്തിന് വിജയിക്കണം.

ഇതോടൊപ്പം മറ്റു ടീമുകളുടെ മത്സരഫലവും കേരളത്തിന് നിര്‍ണായകമാണ്. ഒഡീഷ, പഞ്ചാബ് ടീമുകളെയാണ് കേരളം ഇനി നേരിടേണ്ടത്.