മട്ടന്നൂര്‍:  പഴശിരാജ എന്‍.എസ്.എസ് കോളജ് ഹിന്ദി വകുപ്പ് കഴിഞ്ഞ ഒരുമാസമായി നടത്തി വരുന്ന വിവിധ രാമായണ മാസമത്സരങ്ങളുടെ ഭാഗമായി ആരംഭിച്ച പ്രിന്‍സിപ്പല്‍ ഡോ. ടി.എല്‍ രമാദേവി ഉദ്ഘാടനം ചെയ്തു. ദശപുഷ്പങ്ങള്‍, നവധാന്യങ്ങള്‍, വിവിധ ഭാഷകളിലെ രാമായണങ്ങള്‍, രാമായണ മാസത്തിന്റെ പ്രാധാന്യം വ്യക്തമാക്കുന്ന പോസ്റ്ററുകള്‍ എന്നിവ പ്രദര്‍ശനിയില്‍ ഒരുക്കിയിരുന്നു. പ്രദര്‍ശനത്തിന്റെ ഭാഗമായി കര്‍ക്കിടകക്കഞ്ഞി വിതരണവും പ്രൊഫ.ജി കുമാരന്‍ നായരുടെ ഹിന്ദിയിലുള്ള രാമായണ ക്ലാസും നടന്നു. രാമായണമാസ മത്സരങ്ങള്‍ ഇന്നലെ അവസാനിച്ചു. സ്‌കൂള്‍ കോളജ് തലത്തിലായി നടത്തിയ രാമായണ ക്വിസ് മത്സര വിജയികള്‍ക്ക് സമ്മാന വിതരണവും നടന്നു. ഡോ. പി ലേഖ,  ഡോ. എസ്.എസ് ലക്ഷ്മി, ഡോ. എസ് രേണു എന്നിവര്‍ നേതൃത്വം നല്‍കി.