ന്യൂഡല്‍ഹി: മൂന്നരലക്ഷം തൊട്ട് രാജ്യത്ത് പ്രതിദിന കൊവിഡ് കേസുകള്‍. 3,49,691 കേസുകളാണ് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തത്. ഇതില്‍ പകുതിയിലേറെ കേസുകളും അഞ്ച് സംസ്ഥാനങ്ങളില്‍ നിന്നുള്ളതാണ്. 2,767 മരണവും കഴിഞ്ഞ ദിവസം റിപ്പോര്‍ട്ട് ചെയ്തു.

രാജ്യത്ത് 24 മണിക്കൂറിനിടെ സ്ഥിരീകരിച്ച ആകെ കേസുകളില്‍ 19.21 ശതമാനവും മഹാരാഷ്ട്രയില്‍ നിന്നുള്ളതാണ്. 676 മരണമാണ് മഹാരാഷ്ട്രയില്‍ മാത്രം റിപ്പോര്‍ട്ട് ചെയ്തിട്ടുള്ളത്. ഡല്‍ഹിയില്‍ 357 മരണവും റിപ്പോര്‍ട്ട് ചെയ്യുന്നു.