റിയാദ്: കൊവിഡ് മൂലം ശ്വാസം മുട്ടുന്ന ഇന്ത്യക്ക് ആശ്വാസവുമായി സഊദി. ഇന്ത്യയിലേക്ക് സൗദി അറേബ്യയുടെ 80 മെട്രിക് ടണ്‍ ലിക്വിഡ് ഓക്സിജനും നാല് ഐ.എസ്.ഒ ക്രയോജനിക് ടാങ്കുകളും എത്തിക്കാന്‍ സഊദി. തീരുമാനിച്ചു. അദാനി ഗ്രൂപ്പുമായും എംഎസ് ലിന്‍ഡെ ഗ്രൂപ്പുമായും സഹകരിച്ചാണ് ഓക്സിജന്‍ ഇന്ത്യയിലെത്തിക്കുന്നത്.

Embassy of India is proud to partner with Adani group and M/s Linde in shipping much needed 80MT liquid oxygen to India. Our hearfelt thanks to Ministry of Health Kingdom of Saudi Arabia for all their help, support and cooperation.@MEAIndia @drausaf @SaudiMOH @HMOIndia pic.twitter.com/6j8NuGwtCB

— India in Saudi Arabia (@IndianEmbRiyadh) April 24, 2021

റിയാദിലെ ഇന്ത്യന്‍ എംബസിയാണ് ചിത്രങ്ങള്‍ സഹിതം ഇക്കാര്യങ്ങള്‍ ട്വീറ്റ് ചെയ്തത്. അദാനിയുമായും ലിന്‍ഡെയുമായും സഹകരിക്കുന്നതില്‍ അഭിമാനമുണ്ടെന്നും എംബസി ട്വീറ്റില്‍ വ്യക്തമാക്കി. ദമാമില്‍ നിന്ന് ഗുജറാത്തിലെ മുണ്ട്ര തുറമുഖത്തേക്കാണ് ടാങ്കുകളും ലിക്വിഡ് ഓക്സിജനും എത്തിക്കുക. ക്രയോജനിക് ടാങ്കുകള്‍ക്ക് പുറമേ, സൗദിയില്‍ നിന്ന് 5000 മെഡിക്കല്‍ ഓക്സിജന്‍ സിലിണ്ടറുകളും എത്തിക്കാന്‍ ശ്രമിക്കുന്നുണ്ടെന്ന് ഗൗതം അദാനി പറഞ്ഞു.

നേരത്തെ പ്രളയ കാലത്ത് കേരളം വിദേശ രാജ്യങ്ങളുടെ സഹായം തേടിയപ്പോള്‍ അതിനു തടസം നിന്ന കേന്ദ്ര സര്‍ക്കാറിനിപ്പോള്‍ എല്ലാ ലോക രാജ്യങ്ങളുടേയും സഹായം ആവശ്യമായി വന്നിരിക്കുകയാണ്.