തിരുവനന്തപുരം: കെ.എസ്.ആര്‍.ടി.സിയില്‍ വരുമാനത്തിന് അനുസരിച്ച് ശമ്പളമെന്ന എംഡിയുടെ നിര്‍ദേശം ചര്‍ച്ച ചെയ്യാന്‍ വിളിച്ച തൊഴിലാളികളുടെ യോഗം പരാജയം. ടാര്‍ഗറ്റ് ഏര്‍പ്പെടുത്താനുള്ള ബിജു പ്രഭാകറിന്റെ നിര്‍ദേശം സി.ഐ.ടി.യു ഉള്‍പ്പെടെയുള്ള തൊഴിലാളി യൂണിയനുകള്‍ തള്ളി.

മറ്റു സര്‍വീസ് മേഖലകളെ പോലെ കെഎസ്ആര്‍ടിസിയേയും പരിഗണിക്കണമെന്നാണ് ആവശ്യം. ആലോചിച്ച് തീരുമാനമറിയിക്കാമെന്നായിരുന്നു എംഡി നല്‍കിയ മറുപടി. എന്നാല്‍ ആലോചിക്കാനൊന്നുമില്ലെന്നാണ് യൂണിയനുകളുടെ നിലപാട്.