മാലി: സഊദിയിലേക്ക് വരാനായി മാലിദ്വീപിലെത്തിയ മലയാളി കടലിൽ വീണ് മരിച്ചു. മലപ്പുറം ചങ്ങരംകുളത്തെ എരമംഗലം പുറ്റയങ്ങാട്ടേൽ അബൂബക്കർ ഹാജിയുടെ മകൻ ഹാശിം (23) ആണ് മരിച്ചത്. മാലിദ്വീപിലെ ധിഫ്യൂഷി ദ്വീപിൽ വെച്ചാണ് സംഭവം. സഊദിയിലേക്ക് വരാനായി ഈ മാസം 19നാണ് ഇദ്ദേഹം മാലിദ്വീപിലെത്തിയത്.

മൃതദേഹം ശനിയാഴ്ച ഉച്ചക്കാണ് കടലിൽ നിന്ന് കണ്ടെടുത്തത്. ധിഫ്യൂഷി ഐസ് പ്ലാന്റിന് സമീപം കടലിൽ നിന്നാണ് മൃതദേഹം ലഭിച്ചതെന്ന് പോലീസ് അറിയിച്ചു. മൃതദേഹം നാട്ടിലെത്തിക്കുന്നതിന് മാലിദ്വീപ് കെ.എം.സി.സിയുടെ നേതൃത്വത്തിൽ നടപടികൾ പുരോഗമിക്കുന്നുണ്ട്.