ജോഹനസ്ബര്‍ഗ്: ദക്ഷിണാഫ്രിക്കന്‍ ക്രിക്കറ്റ് താരം ബിയോണ്‍ ഫോര്‍ട്ട്യൂണ്‍ ഇസ്‌ലാം മതം സ്വീകരിച്ചു. സാമൂഹിക മാധ്യമമായ ഇന്‍സ്റ്റഗ്രാമിലൂടെ താരം തന്നെയാണ് ഇക്കാര്യം സ്ഥിരീകരിച്ചത്. താരത്തിന്റെ ഭാര്യയും ഇസ്‌ലാം മതം സ്വീകരിച്ചിട്ടുണ്ട്. ഇമാദ് എന്നായിരിക്കും തന്റെ പുതിയ പേരെന്നും ബിയോണ്‍ ഇന്‍സ്റ്റഗ്രാമില്‍ കുറിച്ചു.

സ്വന്തം ഇഷ്ടപ്രകാരമാണ് മതം മാറ്റമെന്ന് 26കാരനായ താരം അറിയിച്ചു. ദക്ഷിണാഫ്രിക്കക്കായി ഒരു ഏകദിനത്തിലും ഏഴ് ട്വന്റി 20 ലുമാണ് ബിയോണ്‍ കളിച്ചത്. ഈ മാസം പാകിസ്താനെതിരേ നടന്ന ട്വന്റി 20 പരമ്പരയില്‍ ബിയോണ്‍ ടീമിലുണ്ടായിരുന്നു. ഇസ്‌ലാം മതം സ്വീകരിക്കുന്ന രണ്ടാമത്തെ ദക്ഷിണാഫ്രിക്കന്‍ താരമാണ് ബിയോണ്‍. നേരത്തെ ഫാസ്റ്റ് ബൗളര്‍ വെയ്ന്‍ പാര്‍നല്‍ ഇസ്‌ലാംമതം സ്വീകരിച്ചിരുന്നു.