കണ്ണൂര്‍: ഡി.വൈ.എഫ്.ഐ പ്രവര്‍ത്തകയുടെ സ്ത്രീത്വത്തെ അപമാനിച്ചെന്ന കേസില്‍ ആകാശ് തില്ലങ്കേരി ഉള്‍പ്പടെ മൂന്ന് പ്രതികള്‍ക്ക് ജാമ്യം. ആകാശ് തില്ലങ്കേരി നേരിട്ട് കോടതിയില്‍ ഹാജരായി പിന്നാലെ അറസ്റ്റിലായ സുഹൃത്തുക്കളായ ജിജോ തില്ലങ്കേരി,ജയപ്രകാശ് തില്ലങ്കേരി എന്നിവരുള്‍പ്പടെ മൂന്ന് പേരും ജാമ്യം നേടുകയായിരുന്നു.

 മന്ത്രി എംബി രാജേഷിന്റെ ഡ്രൈവറുടെ ഭാര്യയും ഡിവൈഎഫ്ഐ പ്രവർത്തകയുമായ ശ്രീലക്ഷ്മി അനൂപിന്റെ പരാതിയിൽ കേസെടുത്തതിന് പിന്നാലെ ഒളിവിലായിരുന്നു ആകാശ്. എന്നാൽ ആകാശ് ഫേസ്ബുക്കിൽ സജീവമായിരുന്നു. അതേസമയം പരാതി നൽകിയ ശ്രീലക്ഷ്മിക്കെതിരെ ആകാശും കൂട്ടാളികളും സൈബറാക്രമണം തുടരുകയാണ്.