തൃക്കരിപ്പൂര്‍: ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ അഗ്രികള്‍ച്ചര്‍ വിദ്യാര്‍ഥി വിഭാഗത്തിന്റെ നേതൃത്വത്തില്‍ സ്‌കൂളില്‍ അഗ്രോ ക്ലിനിക് പ്രവര്‍ത്തനമാരംഭിച്ചു. നൂതന സസ്യ സംരക്ഷണ മാര്‍ഗങ്ങളെപ്പറ്റിയും കൃഷി സാധ്യതകളെപ്പറ്റിയും അറിവ് പകരുന്ന പ്രദര്‍ശനവും സംഘടിപ്പിച്ചു. അഗ്രോ ക്ലിനിക്ക് കൃഷി ഓഫിസര്‍ കെ.വി ഷീന ഉദ്ഘാടനം ചെയ്തു. പി.ടി.എ വൈസ് പ്രസിഡന്റ് യു മോഹനന്‍ അധ്യക്ഷനായി. സീനിയര്‍ അസിസ്റ്റന്റ് കെ അശോകന്‍, പി കൃഷ്ണകുമാര്‍, എം പത്മനാഭന്‍, കെ സുരേഷ് കുമാര്‍, ജീനാപോള്‍ പ്രസംഗിച്ചു. തേനീച്ച കര്‍ഷകന്‍ ഇ.വി ബാലകൃഷ്ണനെ ചടങ്ങില്‍ പൊന്നാട അണിയിച്ചു.