പാലക്കാട്: കിഴക്കഞ്ചേരി കോട്ടക്കുളത്ത് ഭര്‍ത്താവ് ഭാര്യയെ വെട്ടിക്കൊന്നു. ഒടുകിന്‍ചോട് കൊച്ചുപറമ്പില്‍ എല്‍സി 55 ആണ് കൊല്ലപ്പെട്ടത്. കൊലപാതകത്തിന് ശേഷം ജീവനൊടുക്കാന്‍ ശ്രമിച്ച ഭര്‍ത്താവ് വര്‍ഗീസിനെ പാലക്കാട് ആശുപത്രിയില്‍ പ്രവേശിപ്പിച്ചു.

ഇന്ന് ഉച്ചക്ക് പന്ത്രണ്ടരയോടെയാണ് സംഭവം. വര്‍ഗ്ഗീസ് വടക്കഞ്ചേരി പൊലീസ് സ്റ്റേഷനിലേക്ക് വിളിച്ചാണ് ഭാര്യയെ കൊലപ്പെടുത്തിയെന്ന് അറിയിച്ചത്.

അതേസമയം ആത്മഹത്യക്ക് ശ്രമിച്ച വര്‍ഗ്ഗീസിനെ ജില്ലാ ആശുപതിയില്‍ പ്രവേശിപ്പിച്ചു. എല്‍സിയുടെ മൃതദേഹം പൊലീസ് നടപടികള്‍ക്ക് ശേഷം പോസ്റ്റ്‌മോര്‍ട്ടത്തിനായി ആശുപത്രി മോര്‍ച്ചറിയിലേക്ക് മാറ്റി. കൊലപാതകത്തിനുള്ള കാരണം വ്യക്തമല്ല.