ന്യൂഡല്‍ഹി: ഇന്ത്യയ്‌ക്കെതിരായ രണ്ടാം ക്രിക്കറ്റ് ടെസ്റ്റില്‍ ഓസീസിന്റെ തിരിച്ചടി. രണ്ടാം ദിനം കളിയവസാനിക്കുമ്പോള്‍ രണ്ടാം ഇന്നിങ്‌സില്‍ ഓസ്‌ട്രേലിയ ഒരു വിക്കറ്റ് നഷ്ടത്തില്‍ 61റണ്‍സെടുത്തു. ഓസീസിന് നിലവില്‍ 62റണ്‍സിന്റെ ലീഡുണ്ട്. 39റണ്‍സെടുത്ത ട്രാവിസ് ഹെഡും 16റണ്‍സെടുത്ത മാര്‍നസ് ലബുഷെയിനുമാണ് ക്രീസിലുള്ളത്.

ആറ് റണ്‍സെടുത്ത ഉസ്മാന്‍ ഖവാജയുടെ വിക്കറ്റാണ് സന്ദര്‍ശകര്‍ക്ക് നഷ്ടമായത്. ഖവാജയെ രവീന്ദ്ര ജഡേജയാണ് പുറത്താക്കിയത്.ഇന്ത്യ 262 റണ്‍സിന് ഓള്‍ ഔട്ടായതോടെ ആദ്യ ഇന്നിങ്‌സ് അവസാനിക്കുമ്പോള്‍ ഇന്ത്യയ്‌ക്കെതിരേ ഓസ്‌ട്രേലിയയ്ക്ക് ഒരു റണ്ണിന്റെ ലീഡുണ്ടായിരുന്നു. ഒരു ഘട്ടത്തില്‍ തകര്‍ന്നടിഞ്ഞ ഇന്ത്യയെ അക്ഷര്‍ പട്ടേലിന്റേയും അശ്വിന്റേയും കൂട്ടുകെട്ടാണ് ഭേദപ്പെട്ട സ്‌കോറിലെത്തിച്ചത്.