ഫ്രഞ്ച് ലീഗില്‍ പി.എസ്.ജിക്ക് ജയം. ലില്ലിക്കെതിരെ നടന്ന മത്സരത്തില്‍ മൂന്നിനെതിരെ നാലുഗോളുകള്‍ക്കാണ് ജയം. മത്സരമവസാനിക്കാന്‍ നിമിഷങ്ങള്‍ മാത്രം ബാക്കി നില്‍ക്കേ ലയണല്‍ മെസ്സി നേടിയ ഫ്രീകിക്ക് ഗോള്‍ പി.എസ്.ജിക്ക് തുണയായി. മത്സരം സമനിലയില്‍ അവസാനിക്കാനിരിക്കെ 95 ാം മിനിറ്റിലാണ് മെസ്സിയുടെ ഗോള്‍ പിറന്നത്. ലയണല്‍ മെസ്സിയും കിലിയന്‍ എംബാപ്പെയും നെയ്മറും ഒരുമിച്ചിറങ്ങിയ മത്സരത്തില്‍ നാല് ഗോളുകളും പിറവിയെടുത്തത് സൂപ്പര്‍ താരങ്ങളുടെ ബൂട്ടില്‍ നിന്നായിരുന്നു.

മത്സരത്തില്‍ കിലിയന്‍ എംബാപ്പെ ഇരട്ട ഗോള്‍ കണ്ടെത്തിയപ്പോള്‍ മെസ്സിയും നെയ്മറും ഓരോ തവണ വലകുലുക്കി. ലില്ലിക്കുവേണ്ടി ഡിയാക്കിറ്റേ, ജൊനാഥന്‍ ഡേവിഡ്, ജൊനാഥന്‍ ബാംബെയിലൂടെ ലില്ലി മുന്നിലെത്തി. ഫ്രഞ്ച് ലീഗ് പോയിന്റ് പട്ടികയില്‍ 57 പോയിന്റുമായി പി.എസ്.ജിയാണ് ഒന്നാം സ്ഥാനത്ത്.