ആലപ്പുഴ: വനിതാ നേതാവിനുനേരെ ഡിവൈഎഫ്‌ഐ നേതാവിന്റെ ആക്രമണം. എസ.്എഫ.്‌ഐ ഹരിപ്പാട് ഏരിയ പ്രസിഡന്റ് ചിന്നുവിനെയാണ് ഡിവൈഎഫ്‌ഐ ബ്ലോക്ക് വൈസ് പ്രസിഡന്റ് അമ്പാടി ഉണ്ണി ആക്രമിച്ചത്. മോശം പെരുമാറ്റത്തിന്റെ പേരില്‍ ചിന്നു അടക്കമുള്ളവര്‍ അമ്പാടി ഉണ്ണിക്കെതിരെ പാര്‍ട്ടി നേതൃത്വത്തിന് പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ ഡിവൈഎഫ്‌ഐ നിയോഗിച്ച കമ്മിഷന്‍ അന്വേഷണം നടത്തി വരുന്നതിനിടെയാണ് ആക്രമണം നടന്നത്.

തലയ്ക്ക് പരുക്കേറ്റ ചിന്നുവിനെ ഹരിപ്പാട് താലൂക്ക് ആശുപത്രിയില്‍ പ്രവേശിപ്പിച്ചു. കേരള സര്‍വകലാശാല യൂണിയന്‍ വൈസ് ചെയര്‍പേഴ്‌സണനാണ് ചിന്നു.

അതേ സമയം സംഭവത്തില്‍ അമ്പാടി ഉണ്ണിയെ തത് സ്ഥാനത്തുനിന്നു പുറത്താക്കി. തുടര്‍നടപടികള്‍ നാളത്തെ ഡി.വൈ.എഫ്.ഐ ആലപ്പുഴ ജില്ലാ നേതൃയോഗത്തില്‍ തീരുമാനിക്കും.
വൈകിട്ട് ഹരിപ്പാട് നാരകത്തറയിലായിരുന്നു സംഭവം.
സുഹൃത്തിനൊപ്പം ബൈക്കില്‍ വരുമ്പോള്‍ ഇടിച്ചുവീഴ്ത്തിയ ശേഷം അമ്പാടി ഉണ്ണി മര്‍ദ്ദിക്കുകയായിരുന്നെന്നാണ് ചിന്നുവിന്റെ പരാതി.