പാലക്കാട്: ആസൂത്രിത കൊലപാതകങ്ങള്‍ നടക്കുമ്പോള്‍ പൊലിസിനു പരിമിതിയുണ്ടെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. അക്രമകാരികളെ ജനം ഒറ്റപ്പെടുത്തണമെന്നും അക്രമികളെ നിര്‍ദാക്ഷിണ്യം അടിച്ചമര്‍ത്തുമെന്നും കോടിയേരി വ്യക്തമാക്കി.
പാലക്കാട്ടെ ആര്‍.എസ്.എസ് പ്രവര്‍ത്തകന്റെ കൊലപാതകം വെളളിയാഴ്ച നടന്നതിന്റെ തുടര്‍ച്ചയാണ്. ഇരുകൂട്ടരും അക്രമം നടത്തിയ ശേഷം പൊലിസിനെ പഴിചാരാന്‍ ശ്രമിക്കുകയാണ്. പാലക്കാടിനെ കലാപഭൂമിയാക്കാനുളള ശ്രമമാണ് നടക്കുന്നത്. ആലപ്പുഴയിലും സമാന സ്ഥിതിയുണ്ടായിരുന്നു. കൊലപാതകം നടത്തുക എന്നിട്ട് പൊലിസിനെ വിമര്‍ശിക്കുക എന്നതാണ് ഇപ്പോള്‍ നടക്കുന്നത്. പൊലിസിനെതിരേ ജനവികാരം ഉണ്ടാക്കാനാണ് ആര്‍എസ്എസ് ശ്രമമെന്നും കോടിയേരി വിമര്‍ശിച്ചു.