കോട്ടയം: കറുകച്ചാലിലെ ബസ് ജീവനക്കാരനെ സഹപ്രവര്‍ത്തകര്‍ തല്ലിക്കൊന്നതാണെന്ന് തെളിഞ്ഞു. സംഭവത്തില്‍ സഹപ്രവര്‍ത്തകരായ രണ്ട്‌പേരെ പൊലിസ് അറസ്റ്റ് ചെയ്തു. വിഷ്ണു, സുനീഷ് എന്നിവരാണ് അറസ്റ്റിലായത്. സുഹൃത്തിന്റെ വിവാഹത്തിന് സംഭാവന നല്‍കുന്നതിനെ ചൊല്ലിയുള്ള തര്‍ക്കമാണ് കൊലപാതകത്തിലേക്ക് നയിച്ചതെന്നാണ് വ്യക്തമാകുന്നത്.

വെളളിയാഴ്ച്ച രാത്രി 7.30ന് സുഹൃത്തിന്റെ വിവാഹ സത്ക്കാരത്തില്‍ പങ്കെടുക്കാന്‍ പോയ രാഹുല്‍ ഉടനെ വരുമെന്ന് ഭാര്യയെ ഫോണില്‍ വിളിച്ച് പറഞ്ഞിരുന്നു. ഏറെ വൈകിയും വന്നില്ല. രാത്രി പത്തരയ്ക്ക് ശേഷം വീണ്ടും വിളിച്ചപ്പോള്‍ സുഹൃത്തുക്കളുമായി വാക്കേറ്റത്തില്‍ ഏര്‍പ്പെടുന്നതിന്റെ സംഭാഷണം കേട്ടു. പിന്നീട് വിളിച്ചപ്പോള്‍ ഫോണ്‍ എടുത്തിരുന്നില്ല. ശനിയാഴ്ച്ച രാവിലെ രാഹുല്‍ മരിച്ചെന്ന വിവരമാണ് പൊലീസ് അറിയിച്ചത്. മരണത്തില്‍ സംശയം പ്രകടിപ്പിച്ച് കുടുബം രംഗത്തെത്തിയതോടെയാണ് യഥാര്‍ത്ഥ വിവരം പുറത്തായത്.

പ്രതികള്‍ ഇരുവരും ബസ് കണ്ടക്ടര്‍മാരാണ്. ടിക്കറ്റ് മെഷീന്‍ കൊണ്ട് തലക്ക് അടിച്ചാണ് രാഹുലിനെ കൊലപ്പെടുത്തിയത്. മരണം ആത്മഹത്യയാക്കി മാറ്റാനും പ്രതികള്‍ ശ്രമിച്ചിരുന്നു,