മലപ്പുറം: പ്രൈമറി,  യു പി, ഹൈസ്‌കൂള്‍, ഹയര്‍ സെക്കന്‍ഡറി തലങ്ങളിലെ വിദ്യാര്‍ഥികള്‍ക്കായി  റോഡ്  ആക്‌സിഡന്റ് ആക്ഷന്‍ ഫോറം( റാഫ്)  സംസ്ഥാന കമ്മിറ്റി മലപ്പുറത്തു സംഘടിപ്പിച്ച ചിത്രരചനാ   പെയിന്റിംഗ്  മത്സര വിജയികളെ കണ്ടെത്തി. കെ. റിന നിഷാദ് ( പ്രൈമറി), ഒ. ഗായത്രി ( യു  പി ), എ പി ആര്യ ( ഹൈസ്‌കൂള്‍ ), പി ടി അനില്‍ ( ഹയര്‍സെക്കന്‍ഡറി വിഭാഗം ) എന്നിവര്‍  ഒന്നാം സ്ഥാനങ്ങള്‍ക്ക് അര്‍ഹരായി. നൂറോളം മത്സരാര്‍ഥികള്‍ പങ്കെടുത്ത പരിപാടിയില്‍ റോഡ്  സുരക്ഷ,  എന്റെ രക്ഷ എന്നതായിരുന്നു വിഷയം. മികച്ച ഒന്നാം സമ്മാനാര്‍ഹര്‍ക്കു കോഴിക്കോടു വെച്ച്  അടുത്ത  മാസം നടക്കുന്ന  ഡ്രൈവേഴ്‌സ് മീറ്റില്‍ അവാര്‍ഡുകള്‍ നല്‍കും.  
സംസ്ഥാന വൈസ് പ്രസിഡന്റ് ഖാദര്‍  കെ. തേഞ്ഞിപ്പലത്തിന്റെ അധ്യക്ഷതയില്‍ മലപ്പുറം പ്രശാന്ത് ഓഡിറ്റോറിയത്തില്‍ സംഘടിപ്പിച്ച ചടങ്ങില്‍  മത്സരാര്‍ഥികള്‍ക്കുള്ള സമ്മാനങ്ങള്‍ റാഫ്  സംസ്ഥാന പ്രസിഡന്റ് കെ. എം അബ്ദു നല്‍കി. എം. ടി. തെയ്യാല, കെ. പി. ബാബു ഷെരീഫ്, ഫ്രാന്‍സിസ് ഓണാട്ട് തുടങ്ങിയവര്‍  പ്രസംഗിച്ചു. റാഫ് വനിതാ ഫോറം ജില്ലാ പ്രസിഡന്റ് അഡ്വ. പി. കെ. റെജീന  മുസ്തഫ  സ്വാഗതവും സംസ്ഥാന സെക്രട്ടറി കവറൊടി മുഹമ്മദ് മാസ്റ്റര്‍ നന്ദിയും പറഞ്ഞു.