കൊച്ചി
2021ലെ ഓടക്കുഴൽ പുരസ്‌കാരം സാറ ജോസഫിന് ഡോ. എം. ലീലാവതി സമ്മാനിച്ചു. തന്റെ ഗുരുനാഥന്റെ പേരിലുള്ള അവാർഡ് സാറ ജോസഫിന് സമ്മാനിക്കാൻ കഴിഞ്ഞത് ജീവിതത്തിലെ ഏറ്റവും വലിയ ഭാഗ്യമാണെന്ന് എം. ലീലാവതി പറഞ്ഞു.
സാറ ജോസഫിന്റെ 'ബുധിനി' എന്ന നോവൽ പുരസ്‌കാരം അർഹിക്കുന്നുണ്ടെങ്കിലും 'അലാഹയുടെ പെൺമക്കൾ' എന്ന പുസ്തകത്തിനാണ് അവർക്ക് അവാർഡ് നൽകേണ്ടയിരുന്നത്.
ഇത് തന്റെ അവസാനത്തെ ഓടക്കുഴൽ അവാർഡ് വിതരണ ചടങ്ങായിരിക്കുമെന്നും അടുത്ത വർഷം താൻ ജീവിച്ചിരിപ്പുണ്ടെങ്കിലും വിളിക്കേണ്ടതില്ലെന്നും അവർ സംഘാടകരോട് ആവശ്യപ്പെട്ടു. സാറ ജോസഫ് മറുപടി പ്രസംഗം നടത്തി. ഡോ. ഇ.വി. രാമകൃഷ്ണൻ, രാഹുൽ രാധാകൃഷ്ണൻ, കെ.ബി. പ്രസന്നകുമാർ, ജി. മധുസൂദനൻ എന്നിവർ പ്രസംഗിച്ചു.