ദുബൈ:യു.എ.ഇയുടെ വണ്‍ ബില്യന്‍ മീല്‍സ് ഡ്രൈവിലേക്ക് ആസ്റ്ററും സംഭാവന ചെയ്യുന്നു.ലോകത്തിലെ 50 രാജ്യങ്ങളിലെ ദരിദ്രര്‍ക്ക് ഭക്ഷണ സഹായം
നല്‍കാന്‍ ലക്ഷ്യമിടുന്ന യു.എ.ഇ യുടെ ബൃഹത്തായ പദ്ധതി വണ്‍ ബില്യണ്‍ മീല്‍സ് ഡ്രൈവിലേക്കാണ് ആസ്റ്റര്‍ ഡി.എം ഹെല്‍ത്ത് കെയറിന്റെ കൈയൊപ്പു കൂടി ചാര്‍ത്തുന്നത്. ആസ്റ്റര്‍ സ്ഥാപക ചെയര്‍മാനും മാനേജിങ് ഡയറക്ടറുമായ ഡോ. ആസാദ് മൂപ്പനാണ് ഇക്കാര്യം പ്രഖ്യാപിച്ചത്. പത്ത് ലക്ഷം ദിര്‍ഹം ഇതിലേക്ക് ആസ്റ്റര്‍ സംഭാവന നല്‍കും.

ഒരു മില്യണ്‍ ഭക്ഷണത്തിന് തുല്യമായ തുകയാണ് ഡോ. ആസാദ് മൂപ്പന്റെ സംഭാവന.ആവശ്യമുള്ളവരെ സഹായിക്കാനും മനുഷ്യരാശിക്ക് മെച്ചപ്പെട്ട ഭാവി
കെട്ടിപ്പടുക്കുന്നതിനുള്ള യു.എ.ഇയുടെ മഹത്തായ കാഴ്ചപ്പാടിലേക്ക് സംഭാവന
നല്‍കാനാണ് ആസ്റ്റര്‍ ഡിഎം ഹെല്‍ത്ത് കെയര്‍ ഇതുമായി കൈ കോര്‍ക്കുന്നത്. നമുക്ക് നല്‍കാന്‍ കഴിയുന്ന ഏറ്റവും വലിയ സമ്മാനങ്ങളിലൊന്ന് വിശക്കുന്ന മനുഷ്യന് ഭക്ഷണം നല്‍കുക എന്നതാണ്. ഈ രാജ്യങ്ങളിലെ ദരിദ്രര്‍ക്ക് ഭക്ഷണം നല്‍കുക എന്നത് ശ്രമകരമായ ജോലിയാണ്, പക്ഷേ ദുബൈ അസാധ്യമായത് സാധ്യമാക്കുന്നു വെന്ന് ഡോ.ആസാദ് മൂപ്പന്‍ പറഞ്ഞു. ലോകത്തിലെ ഏറ്റവും ദയയുള്ള രാജ്യങ്ങളിലൊന്നായി യു.എ.ഇയെ അംഗീകരിക്കുന്നുവെന്നും അദ്ദേഹം സൂചിപ്പിച്ചു.