കുവൈത്ത് സിറ്റി: വിശുദ്ധ റംസാൻ ആകാൻ ദിവസങ്ങൾ മാത്രം ശേഷിക്കെ സ്‌കൂളുകൾ അടക്കുന്ന കാര്യത്തിൽ തീരുമാനമെടുത്തത് കുവൈത്ത്. റമസാനിൽ ക്ലാസുകൾ ഓൺലൈനാക്കാൻ ആലോചനയില്ലെന്ന് വിദ്യാഭ്യാസ മന്ത്രാലയം അറിയിച്ചു. സർക്കാർ, സ്വകാര്യ വിദ്യാഭ്യാസ സ്ഥാപനങ്ങളിൽ നേരിട്ടുള്ള (ഓഫ് ലൈൻ) ക്ലാസുകൾ തുടരും.

അതേസമയം, ക്ലാസ് സമയത്തിൽ മാറ്റവും കുറവും ഉണ്ടാകും. കെ.ജി വിഭാഗത്തിന് രാവിലെ 9.30 മുതൽ ഉച്ചയ്ക്ക് ഒരു മണിവരെയും പ്രൈമറിക്ക് 1.30 വരെയും യു.പി, ഹൈസ്കൂൾ വിഭാഗത്തിനു 2.05 വരെയുമായിരിക്കും റമസാനിൽ ക്ലാസുകൾ നടക്കുക.

രാജ്യത്തെ ആരോഗ്യാവസ്ഥ സാധാരണ ഗതിയിലാണെന്നും റമസാനിൽ ക്ലാസുകൾ ഓൺലൈനിൽ ആക്കേണ്ടതിന്റെ ആവശ്യകത നിലവിൽ ഇല്ലെന്നും വിദ്യാഭ്യാസ മന്ത്രാലയം വ്യക്തമാക്കി.