പട്ടാമ്പി: സുന്നിയുവജനസംഘം പട്ടാമ്പി മണ്ഡലം കമ്മിറ്റി സംഘടിപ്പിക്കുന്ന ഖുതബാഅ് സംഗമം 30 ന് ചൊവ്വാഴ്ച രാവിലെ ഒന്‍പതിന് ഐ.വി.എസ് മദ്‌റസയില്‍ നടക്കുമെന്ന് ഭാരവാഹികള്‍ പത്രകുറിപ്പില്‍ അറിയിച്ചു.എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ദീന്‍ ജിഫ്രി തങ്ങള്‍ വല്ലപ്പുഴ ഉദ്ഘാടനം ചെയ്യും. മുതീഉല്‍ ഹഖ് ഫൈസി ഒറ്റപ്പാലം വിഷയാവതരണം നടത്തും.
എസ്.വൈ.എസ് മണ്ഡലം ഉപാധ്യക്ഷന്‍ കബീര്‍ അന്‍വരി അധ്യക്ഷനാകും. ജില്ലാ സെക്രട്ടറി ടി.കെ മുഹമ്മദ് കുട്ടി ഫൈസി, ജി.എം സ്വലാഹുദ്ദീന്‍ ഫൈസി, സയ്യിദ് ഹസന്‍ സഖാഫ് തങ്ങള്‍, അബ്ദുല്‍ അസീസ് ഫൈസി, കെ ആരിഫ് ഫൈസി, ജാബിര്‍ ഹുദവി, മന്‍സൂര്‍ ദാരിമി, ഹംസ ഫൈസി കട്ടുപ്പാറ, ഹിദായത്തുള്ള അന്‍വരി പ്രസംഗിക്കും.