കോഴിക്കോട്: കോഴിക്കോട് മലപ്പുറം ജില്ലാ അതിര്‍ത്തിയായ ഊര്‍ങ്ങാട്ടിരി പഞ്ചായത്തിലെ കോണ്ണൂര്‍കണ്ടിയില്‍ 60 വയസ്സുകാരനെ ആന ചവിട്ടി കൊന്നു. മലമുകളില്‍ താമസിക്കുന്ന വടക്കേതടത്തില്‍ സെബാസ്റ്റ്യനെയാണ് ആന ചവിട്ടി കൊന്നത്. സെബാസ്റ്റ്യന്‍ മൃതദേഹം മഞ്ചേരി മെഡിക്കല്‍ കോളേജിലേക്ക് മാറ്റി.

സെബാസ്റ്റ്യന്‍ ഇന്നലെ വൈകിട്ട് ബന്ധു വീട്ടില്‍ നിന്നും ഭക്ഷണം കഴിച്ച ശേഷം മലമുകളിലുള്ള തന്റെ വീട്ടിലേക്ക്‌പോയതായാണ് വിവരം. ഇന്ന് രാവിലെ മലമുകളിലെ മറ്റൊരു കര്‍ഷകനാണ് സെബാസ്റ്റ്യന്‍ മരിച്ചു കിടക്കുന്ന നിലയില്‍ കണ്ടെത്തിയത്. തുടര്‍ന്ന് നടത്തിയ പരിശോധനയിലാണ് ആന ചവിട്ടിക്കൊന്നതായി മനസ്സിലായത്. അരീക്കോട് സ്റ്റേഷനില്‍ നിന്നും പൊലീസെത്തി ഇന്‍ക്വസ്റ്റ് നടപടികള്‍ പൂര്‍ത്തീകരിച്ച് മൃതദേഹം മഞ്ചേരി മെഡിക്കല്‍ കോളേജിലേക്ക മാറ്റി. പ്രദേശത്ത് നേരത്തെയും വന്യമൃഗശല്യംരൂക്ഷമാണെന്നും നിരവധിതവണ അധികാരികള്‍ക്ക് പരാതി നല്‍കുകയും പ്രക്ഷോഭ പരിപാടികള്‍ സംഘടിപ്പിച്ചെങ്കിലും അധികൃതരുടെ ഭാഗത്തുനിന്നും യാതൊരു നടപടിയും ഉണ്ടായില്ല എന്ന് പ്രദേശവാസികളായ കര്‍ഷകര്‍ പറയുന്നു.