പത്തനംതിട്ട: തിരുവല്ലയില്‍ കുന്നാടത്ത് ബൈക്കില്‍ കാല് വച്ചതിനെ ചൊല്ലി തര്‍ക്കം. പിന്നാലെ പ്ലസ് ടു വിദ്യാര്‍ഥികളെ ബൈക്കുടമ പ്ലസ്ടു വിദ്യാര്‍ഥികളെ കുത്തിപ്പരുക്കേല്‍പ്പിച്ചു. വിദ്യാര്‍ഥികളെ കുത്തിയ ബി.എസ്.എന്‍.എല്‍ ജീവനക്കാരന്‍ അഭിലാഷ് സംഭവ സ്ഥലത്തുനിന്ന് രക്ഷപെട്ടു. പരുക്കേറ്റ എല്‍ബിന്‍, വൈശാഖ് എന്നിവര്‍ മല്ലപ്പള്ളി താലൂക്ക് ആശുപത്രിയില്‍ ചികിത്സയിലാണ്.

ഇന്ന് രാവിലെ ട്യൂഷന്‍ കഴിഞ്ഞ് വീട്ടിലേക്ക് മടങ്ങാന്‍ ബസ് കാത്തുനിന്ന വിദ്യാര്‍ഥികളാണ് വഴിയില്‍ പാര്‍ക്ക് ചെയ്തിരുന്ന ബൈക്കില്‍ കാലുവച്ചത്. ഈ സമയത്താണ് അഭിലാഷ് എത്തി വിദ്യാര്‍ഥികളുമായി തര്‍ക്കത്തിലേര്‍പ്പെട്ടത്. ഇതിനിടെ ഇയാള്‍ തിരികെ പോയി പേനാക്കത്തിയുമായി എത്തി വിദ്യാര്‍ഥികളെ ആക്രമിച്ചത്. വിദ്യാര്‍ഥികളുടെ വയറിനും നെഞ്ചിനുമാണ് കുത്തേറ്റത്.