ഉൾക്കാഴ്ച
മുഹമ്മദ്

അ​ങ്ങ​നെ ബീ​വി ബ​രീ​റ അ​ടി​മ​ത്വ​ത്തി​ല്‍നി​ന്ന് മോ​ച​നം നേ​ടി. ഇ​നി അ​വ​ര്‍ സ്വ​ത​ന്ത്ര​യാ​ണ്. സ്വ​ന്ത​മാ​യി തീ​രു​മാ​ന​ങ്ങ​ളെ​ടു​ക്കാം. ആ​രു​ടെ​യും അ​നു​മ​തി​ക്കു കാ​ത്തു​നി​ല്‍ക്കാ​തെ കാ​ര്യ​ങ്ങ​ള്‍ നി​ര്‍വ​ഹി​ക്കാം. സ്വാ​ത​ന്ത്ര്യ​ത്തി​ന്റെ ശ്വാ​സ​വാ​യു കി​ട്ടി​യ​പ്പോ​ള്‍ അ​വ​രെ​ടു​ത്ത ആ​ദ്യ തീ​രു​മാ​നം അ​ത്ര സു​ഖ​മു​ള്ള ഒ​ന്നാ​യി​രു​ന്നി​ല്ല. ഭ​ര്‍ത്താ​വ് മു​ഗീ​സി​നെ ഇ​നി വേ​ണ്ടെ​ന്ന തീ​ര്‍പ്പി​ലാ​ണ് അ​വ​ര്‍ ഉ​റ​ച്ചു​നി​ന്ന​ത്.

പാ​വം മു​ഗീ​സ്! ബ​രീ​റ​യെ പോ​ലെ അ​ടി​മ​ത്വ​ത്തി​ന്റെ നു​ക​വും തോ​ളി​ലേ​ന്തി ക​ഴി​യേ​ണ്ടി​വ​ന്ന മ​നു​ഷ്യ​ന്‍. ബ​രീ​റ​യെ അ​ദ്ദേ​ഹം ഹൃ​ദ​യ​മ​റി​ഞ്ഞു സ്‌​നേ​ഹി​ച്ചി​രു​ന്നു. മു​റി​ച്ചു​മാ​റ്റാ​ന്‍ ക​ഴി​യാ​ത്ത സ്‌​നേ​ഹം. പ​റ​ഞ്ഞി​ട്ടെ​ന്ത്? ബ​രീ​റ​യ്ക്ക് അ​ദ്ദേ​ഹ​ത്തെ വേ​ണ്ടെ​ന്നു​ത​ന്നെ.
പ്ര​ണ​യ​ഭാ​ജ​ന​ത്തി​നു പി​ന്നാ​ലെ ദാ​ഹാ​ര്‍ത്ത​നാ​യി ഓ​ടു​ന്ന പ്ര​ണ​യാ​തു​ര​നെ​പ്പോ​ലെ മു​ഗീ​സ് ബ​രീ​റ​യ്ക്കു പി​ന്നാ​ലെ ന​ട​ന്നു. അ​തു​ക​ണ്ട് മ​ന​സ​ലി​ഞ്ഞ പു​ണ്യ​പ്ര​വാ​ച​ക​ര്‍ ബ​രീ​റ​യോ​ട് പ​റ​ഞ്ഞു: 'മു​ഗീ​സി​നെ തി​രി​ച്ചെ​ടു​ത്തി​രു​ന്നെ​ങ്കി​ല്‍ അ​തൊ​രു ന​ല്ല കാ​ര്യ​മാ​യേ​നേ'.
ബ​രീ​റ ചോ​ദി​ച്ചു: 'തി​രി​ച്ചെ​ടു​ക്കാ​ന്‍ അ​ങ്ങ് ക​ല്‍പി​ക്കു​ക​യോ? അ​ങ്ങ​നെ​യെ​ങ്കി​ല്‍ അ​ത​നു​സ​രി​ക്കാ​ന്‍ ഞാ​നൊ​രു​ക്ക​മാ​ണ്'
‘അ​ല്ല, അ​ദ്ദേ​ഹ​ത്തി​നു​വേ​ണ്ടി ശു​പാ​ര്‍ശ ചെ​യ്തു​വെ​ന്നേ​യു​ള്ളൂ...’
‘എ​ങ്കി​ല്‍ എ​നി​ക്ക് അ​ദ്ദേ​ഹ​ത്തെ വേ​ണ്ടാ...’ -ബ​രീ​റ​യു​ടെ മാ​റ്റ​മി​ല്ലാ​ത്ത പ്ര​തി​ക​ര​ണം.

ഒ​രാ​ളെ ആ​ത്മാ​ര്‍ഥ​മാ​യി സ്‌​നേ​ഹി​ക്കു​ക​യെ​ന്ന​തു തെ​റ്റ​ല്ല. എ​ത്ര സ്‌​നേ​ഹി​ച്ചി​ട്ടും സ്‌​നേ​ഹം തി​രി​ച്ചു​കി​ട്ടാ​ത്ത​തി​ന്റെ പേ​രി​ല്‍ സ​ങ്ക​ട​മു​ണ്ടാ​കു​ന്ന​തും തെ​റ്റ​ല്ല. പ്ര​ണ​യം ഏ​ക​പ​ക്ഷീ​യ​മാ​കു​ന്ന​തു വേ​ദ​നാ​ജ​ന​കം ത​ന്നെ. അ​ത്ത​രം സാ​ഹ​ച​ര്യ​ങ്ങ​ളി​ല്‍ മ​ന​സി​ലു​ണ​രു​ന്ന വേ​ദ​ന​യും സ​ങ്ക​ട​വു​മെ​ല്ലാം തി​ക​ച്ചും സ്വാ​ഭാ​വി​കം. അ​വ​യെ നി​യ​ന്ത്രി​ക്കാ​ന്‍ ക​ഴി​യു​ക​യാ​ണു വേ​ണ്ട​ത്. ദുഃ​ഖ​മു​ണ്ടാ​കു​ന്ന​തി​നു കു​ഴ​പ്പ​മി​ല്ല. ദുഃ​ഖി​ച്ചി​രി​ക്കാ​തി​രു​ന്നാ​ല്‍ മ​തി. പു​ണ്യ​പ്ര​വാ​ച​ക​ര്‍ മു​ഗീ​സി​നോ​ട് നീ ​അ​വ​ളെ മ​റ​ന്നേ​ക്കൂ എ​ന്നു പ​റ​യു​ക​യ​ല്ല, അ​ദ്ദേ​ഹ​ത്തി​ന്റെ കാ​ര്യ​ത്തി​ല്‍ ബ​രീ​റ​യോ​ടു സം​സാ​രി​ക്കു​ക​യാ​ണു ചെ​യ്ത​ത്.

ഒ​രാ​ളോ​ട് സ്‌​നേ​ഹം തോ​ന്നാ​തി​രി​ക്കു​ന്ന​തു തെ​റ്റ​ല്ല. പ്ര​ണ​യി​ക്കു​ന്ന​വ​രോ​ടെ​ല്ലാം പ്ര​ണ​യം കാ​ണി​ക്ക​ണ​മെ​ന്നു ശ​ഠി​ക്കു​ന്ന​ത് തു​മ്പി​യെ കൊ​ണ്ട് ക​ല്ലെ​ടു​പ്പി​ക്കു​ന്ന ഏ​ര്‍പ്പാ​ടാ​കും ചി​ല​പ്പോ​ള്‍. ഹൃ​ദ​യ​ത്തി​ലു​ണ​രാ​ത്ത പ്ര​ണ​യം മു​ഖ​ത്തു​മാ​ത്രം വ​രു​ത്തി​ത്തീ​ര്‍ക്കു​ന്ന​തു കാ​പ​ട്യ​വു​മാ​കും. എ​ല്ലാ​വ​രെ​യും സ്‌​നേ​ഹി​ക്കാ​ന്‍ ക​ഴി​ഞ്ഞി​ല്ലെ​ങ്കി​ലും ആ​രെ​യും വെ​റു​ക്കാ​തി​രു​ന്നാ​ല്‍ മ​തി. ഭ​ര്‍ത്താ​വി​നെ വേ​ണ്ടെ​ന്നു​വ​ച്ച ബ​രീ​റ​യെ പു​ണ്യ​പ്ര​വ​ചാ​ക​ര്‍ കു​റ്റ​പ്പെ​ടു​ത്തി​യ​തേ​യി​ല്ല. തീ​രു​മാ​നം പു​നഃ​പ​രി​ശോ​ധി​ക്കാ​നു​ള്ള പ്ര​ചോ​ദ​നം ന​ല്‍കു​ക മാ​ത്ര​മേ ചെ​യ്തു​ള്ളൂ. ഇ​ഷ്ട​മി​ല്ലാ​ത്ത​വ​രു​ടെ കൂ​ടെ ക​ഴി​യാ​ന്‍ നി​ര്‍ബ​ന്ധി​പ്പി​ക്കു​ന്ന​ത് പീ​ഡ​ന​മാ​ണ​ല്ലോ.

ആ​ര്‍ക്കും എ​ങ്ങ​നെ​യും വി​നി​യോ​ഗി​ക്കാ​വു​ന്ന ച​ര​ക്ക​ല്ല സ്ത്രീ. ​സ്വ​ന്ത​മാ​യ ആ​ഗ്ര​ഹ​ങ്ങ​ളും തീ​രു​മാ​ന​ങ്ങ​ളും സ്വ​പ്ന​ങ്ങ​ളു​മു​ള്ള മ​നു​ഷ്യ​നാ​ണ്. അ​തു വ​ക​വ​ച്ചു​കൊ​ടു​ത്ത പു​ണ്യ​പ്ര​വാ​ച​ക​ര്‍ എ​ക്കാ​ല​വും മാ​തൃ​ക​യ​ര്‍ഹി​ക്കു​ന്നു. മ​ക​ളെ അ​വ​ള്‍ക്കി​ഷ്ട​മി​ല്ലാ​ത്ത​യാ​ള്‍ക്കു വ​ധു​വാ​ക്കി​ക്കൊ​ടു​ക്കു​ന്ന പി​താ​വ് അ​വ​ളു​ടെ സ്‌​ത്രൈ​ണ​ത​യ്ക്കു​മേ​ല്‍ മ​ണ്ണു​വാ​രി​യി​ടു​ക​യാ​ണ്. ഹൃ​ദ​യം ഹൃ​ദ​യ​വു​മാ​യി പൊ​രു​ത്ത​പ്പെ​ടു​ന്നി​ല്ലെ​ങ്കി​ല്‍ ശ​രീ​ര​ങ്ങ​ള്‍ ഒ​ത്തി​ട്ടോ അ​ടു​ത്തി​ട്ടോ കാ​ര്യ​മി​ല്ല. വി​വാ​ഹാ​ലോ​ച​നാ വേ​ള​യി​ല്‍ വ​ധു​വി​ന്റെ​യും വ​ര​ന്റെ​യും തൂ​ക്ക​വും പൊ​ക്ക​വു​മൊ​ക്കെ പ​രി​ഗ​ണി​ക്ക​പ്പെ​ടാ​റു​ണ്ട്. അ​താ​വാം. പ​ക്ഷേ, മ​ന​പ്പൊ​രു​ത്തം ക​ഴി​ഞ്ഞി​ട്ടു​മ​തി മെ​യ്‌​പൊ​രു​ത്തം. മ​ന​പ്പൊ​രു​ത്ത​മി​ല്ലാ​ത്തി​ട​ത്ത് പോ​രു​ക​ള്‍ മു​റു​കും.
എ​ല്ലാ ശ്ര​മ​ങ്ങ​ളും വി​ജ​യ​ത്തി​ലെ​ത്ത​ണ​മെ​ന്നി​ല്ലെ​ന്ന പാ​ഠം​കൂ​ടി പ്ര​സ്തു​ത സം​ഭ​വം പ​റ​ഞ്ഞു​ത​രു​ന്നു. വി​ജ​യി​ച്ചാ​ല്‍ മെ​ച്ച​മാ​യി. ഇ​ല്ലെ​ങ്കി​ല്‍ ശ്ര​മി​ച്ച​തി​ന്റെ പു​ണ്യം മി​ച്ച​മാ​യി കി​ട്ടും. ഫ​ലി​ച്ചോ എ​ന്ന​ല്ല, ശ്ര​മി​ച്ചോ എ​ന്നാ​ണു നോ​ക്കു​ക. നെ​ല്ലോ​ല​ക​ള്‍ ക​തി​ര​ണി​ഞ്ഞി​ല്ലെ​ന്ന​തു കൊ​ണ്ട് ക​ര്‍ഷ​ക​ന്‍ ചോ​ദ്യം ചെ​യ്യ​പ്പെ​ടി​ല്ല. വി​ത​യ്ക്കാ​തി​രു​ന്നാ​ലാ​ണു പ്ര​തി​യാ​വു​ക. ശു​പാ​ര്‍ശ കൊ​ള്ള​പ്പെ​ടു​ക​യോ ത​ള്ള​പ്പെ​ടു​ക​യോ ചെ​യ്യാം. ര​ണ്ടാ​യാ​ലും ന​ഷ്ട​മി​ല്ല. സ്വീ​ക​രി​ക്ക​പ്പെ​ട്ടാ​ല്‍ ഒ​രാ​ളെ സ​ഹാ​യി​ച്ച​തി​ന്റെ പു​ണ്യ​മാ​യി. തി​ര​സ്‌​ക​രി​ക്ക​പ്പെ​ട്ടാ​ല്‍ ഒ​രാ​ള്‍ക്കു​വേ​ണ്ടി സം​സാ​രി​ച്ച​തി​ന്റെ പു​ണ്യ​വു​മാ​യി.

ശു​പാ​ര്‍ശ തി​ര​സ്‌​ക​രി​ക്ക​പ്പെ​ടു​ന്ന​ത് ശു​പാ​ര്‍ശ​ക​നു കു​റ​ച്ചി​ല​ല്ല. തി​രു​ന​ബി ഒ​രു രാ​ഷ്ട്ര​ത്തല​വ​നാ​ണ്. ഉ​ന്ന​ത പ​ദ​വി​യി​ലി​രി​ക്കു​ന്ന ന്യാ​യാ​ധി​പ​ന്‍. സ​ര്‍വോ​പ​രി സ​ര്‍വ​ലോ​ക​നാ​യ​ക​നും. എ​ന്നി​ട്ടു​കൂ​ടി അ​വി​ടു​ത്തെ ശു​പാ​ര്‍ശ ത​ള്ള​പ്പെ​ട്ടു. ത​ള്ളി​യ​താ​ക​ട്ടെ ക​ഴി​ഞ്ഞ ദി​വ​സം​വ​രെ അ​ടി​മ​യാ​യി ജീ​വി​ച്ച ഒ​രു സ്ത്രീ​യും. എ​ന്നി​ട്ടും അ​വി​ടു​ത്തെ പ​ദ​വി​ക്കോ മ​ഹി​മ​യ്‌​ക്കോ കോ​ട്ട​മു​ണ്ടാ​യി​ല്ലെ​ന്നു മാ​ത്ര​മ​ല്ല, പ്ര​സ്തു​ത സം​ഭ​വം അ​വി​ടു​ത്തെ മ​ഹി​മ​യ്ക്കു മാ​റ്റേ​റ്റു​ക​യാ​ണു ചെ​യ്ത​ത്. ഞാ​ന്‍ സം​സാ​രി​ച്ചാ​ലൊ​ന്നും അ​ദ്ദേ​ഹം സ്വീ​ക​രി​ക്കി​ല്ലെ​ന്നു പ​റ​യ​രു​ത്. സ്വീ​ക​രി​ക്ക​പ്പെ​ടു​മെ​ന്നു​റ​പ്പു​ള്ള കാ​ര്യ​ത്തി​ല്‍ മാ​ത്രം ഇ​ട​പെ​ടു​ന്ന​ത​ല്ല; സ്വീ​ക​രി​ക്ക​പ്പെ​ട്ടാ​ലും തി​ര​സ്‌​ക​രി​ക്ക​പ്പെ​ട്ടാ​ലും ഇ​ട​പെ​ടാ​ന്‍ ധൈ​ര്യം കാ​ണി​ക്കു​ന്നി​ട​ത്താ​ണു ഒ​രു നേ​താ​വി​ന്റെ ക​രു​ത്ത്.

ശു​പാ​ര്‍ശ തി​ര​സ്‌​ക​രി​ക്കു​ന്ന​ത് കു​റ്റ​മോ കു​റ​വോ അ​ല്ല. ത​നി​ക്കു യോ​ജി​ക്കാ​ന്‍ ക​ഴി​യാ​ത്ത കാ​ര്യ​ത്തി​ല്‍ സ്‌​നേ​ഹ​പൂ​ര്‍വം വി​യോ​ജി​ക്കു​ന്ന​തു ത​ന്നെ​യാ​ണു ഉ​റ​ച്ച നി​ല​പാ​ടു​ത​റ​യു​ള്ള​വ​രു​ടെ സ​വി​ശേ​ഷ​ത. ശു​പാ​ര്‍ശ​ക​ന്റെ ഒൗന്ന​ത്യ​ത്തി​നു മു​ന്നി​ല്‍ ഒ​ലി​ച്ചു​പോ​കാ​ന്‍ മാ​ത്രം ദു​ര്‍ബ​ല​മാ​ക​രു​ത് ഒ​രു നി​ല​പാ​ടും. ക​ഴി​യാ​ത്ത​താ​ണെ​ങ്കി​ല്‍ ക​ഴി​യി​ല്ലെ​ന്നു ത​ന്നെ പ​റ​യ​ണം. എ​ങ്ങ​നെ ക​ഴി​യി​ല്ലെ​ന്നു പ​റ​യും എ​ന്നു ചി​ന്തി​ച്ച് നി​ല​പാ​ട് മാ​റ്റി​യാ​ല്‍ ത​ല്‍ക്കാ​ലം ശു​പാ​ര്‍ശ​ക​ന്റെ തൃ​പ്തി സ​മ്പാ​ദി​ക്കാ​മെ​ങ്കി​ലും തു​ട​ര്‍ജീ​വി​തം അ​വ​താ​ള​ത്തി​ലാ​യാ​ല്‍ അ​വ​ന​വ​ന്‍ ത​ന്നെ​യാ​യി​രി​ക്കും ഉ​ത്ത​ര​വാ​ദി. ഇ​ല്ല എ​ന്നു പ​റ​യേ​ണ്ടി​ട​ത്ത് ഇ​ല്ല എ​ന്നു പ​റ​യു​ന്ന​താ​ണു ധീ​ര​ത. അ​തു ശു​പാ​ര്‍ശ​ക​നോ​ടു​ള്ള ധി​ക്കാ​ര​മാ​യി വ്യാ​ഖ്യാ​നി​ക്കേ​ണ്ട​തി​ല്ല. ബീ​വി ബ​രീ​റ പു​ണ്യ​ന​ബി​യെ ത​ള്ളി​യ​ത​ല്ല. ത​ന്റെ നി​ല​പാ​ട് തു​റ​ന്ന​റി​യി​ക്കു​ക മാ​ത്രം ചെ​യ്ത​താ​ണ്.
•