കാബൂള്‍: അഫ്ഗാനിസ്ഥാനില്‍ സ്‌ഫോടനപരമ്പര. ആറ് പേര്‍ കൊല്ലപ്പെട്ടതായും നിരവധി പേര്‍ക്ക് പരുക്കേറ്റതായും അഫ്ഗാന്‍ പൊലിസ് ഉദ്യോഗസ്ഥര്‍ അറിയിച്ചു.

നഗരത്തിന് പടിഞ്ഞാറ് ഷിയാ ആധിപത്യമുള്ള അബ്ദുള്‍ റഹീം ഷാഹിദ് ഹൈസ്‌കൂളിലാണ് സ്‌ഫോടനം നടന്നത്. സമീപത്തെ ട്യൂഷന്‍ സെന്ററിന് നേരെയും ഗ്രനേഡ് ആക്രമണം ഉണ്ടായി.

ആക്രമണത്തിന്റെ ഉത്തരവാദിത്തം നിലവിലാരും ഏറ്റെടുത്തിട്ടില്ല. ഇതിന് മുമ്പ് അഫ്ഗാനിസ്ഥാനില്‍ നടന്ന പല ഭീകരാക്രമണങ്ങളുടെയും ഉത്തരവാദിത്തം ഇസ്‌ലാമിക് സ്റ്റേറ്റ് ഏറ്റെടുത്തിരുന്നു.