തൃശ്ശൂര്‍: വെങ്ങിണിശ്ശേരിയില്‍ ലോറിയുമായി കൂട്ടിയിടിച്ച കാറില്‍ നിന്ന് വടിവാള്‍ കണ്ടെത്തി. അപകടം വരുത്തിയ കാറിലെ
നാല് പേര്‍ ഇറങ്ങിയോടി കാറില്‍ രക്ഷപ്പെട്ടതോടെ പരിശോധന നടത്തിയപ്പോഴാണ് വടിവാള്‍ കണ്ടെത്തിയത്. ഇതോടെ പാലക്കാട് ഇരട്ടക്കൊലപാതകവുമായി ബന്ധമുണ്ടോയെന്ന സംശയം ബലപ്പെട്ടു.

ഇതു സംബന്ധിച്ച് പൊലിസ് അന്വേഷണമാരംഭിച്ചു.
തൃശൂര്‍ വെങ്ങിണിശ്ശേരിയില്‍ രാവിലെയാണ് കാര്‍ അപകടത്തില്‍ പെട്ടത്. അപകടത്തില്‍ കാറിന്റെ മുന്‍ഭാഗം തകര്‍ന്നു. അപകടം കണ്ട് നാട്ടുകാര്‍ കൂടാന്‍ തുടങ്ങിയതോടെ കാറിലുണ്ടായിരുന്ന നാല് പേരും പുറത്തിറങ്ങി. തൊട്ടുപിന്നാലെ വന്ന കാറില്‍ കയറി രക്ഷപ്പെട്ടു. സംശയം തോന്നിയ നാട്ടുകാര്‍ പൊലിസില്‍ വിവരം അറിയിച്ച് നടത്തിയ പരിശോധനയിലാണ് കാറില്‍ നിന്ന് വടിവാള്‍ കണ്ടെത്തിയത്. ഗുണ്ടാസംഘങ്ങള്‍ ഉപയോഗിക്കുന്ന പോലുള്ള വടിവാളാണിത്.