പത്തനംതിട്ട:ശക്തമായ ത്രികോണമത്സരം നടന്ന കോന്നിയില്‍ എല്‍.ഡി.എഫ് സ്ഥാനാര്‍ഥി കെ.യു ജനീഷ് കുമാറിന് വിജയം. 8000ലധികം വോട്ടുകളുടെ ഭൂരിപക്ഷം നേടിയാണ് ജനീഷ് നിയമസഭയിലെത്തുന്നത്.

യു.ഡി.എഫ് സ്ഥാനാര്‍ഥി റോബിന്‍ പീറ്റര്‍ രണ്ടാമതെത്തിയപ്പോള്‍ എന്‍.ഡി.എ സ്ഥാനാര്‍ഥി കെ സുരേന്ദ്രന്‍ മൂന്നാമതാണ്.

പ്രചാരണവേളയില്‍ പ്രധാനമന്ത്രി നരേന്ദ്രമോദി ഉള്‍പ്പെടെ എന്‍.ഡി.എക്കായി കോന്നിയിലെത്തിയെങ്കിലും അതൊന്നും വോട്ടായി മാറിയില്ലെന്നാണ് തിരഞ്ഞെടുപ്പ് ഫലം സൂചിപ്പിക്കുന്നത്.

വര്‍ഷങ്ങളോളം അടൂര്‍ പ്രകാശ് വിജയിച്ചുവന്ന കോന്നി, 2019ലെ ഉപതിരഞ്ഞെടുപ്പോടെയാണ് എല്‍.ഡി.എഫ്. പിടിച്ചെടുക്കുന്നത്.