വെള്ളൂര്‍ (കോട്ടയം): വെള്ളൂര്‍ റെയില്‍വേ സ്റ്റേഷനില്‍ ( പിറവം റോഡ്) ട്രെയിന്‍ തട്ടി രണ്ട് യുവാക്കള്‍ മരിച്ചു. പുലര്‍ച്ചെ മൂന്ന് മണിയോടെ വെള്ളൂര്‍ സ്രാങ്കുഴി കട്ടിങിന് സമീപമാണ് അപകടം. സ്രാങ്കുഴി മൂലേടത്ത് ജിഷ്ണു വേണുഗോപാല്‍ (21), വെള്ളൂര്‍ മൂത്തേടത്ത് വൈഷ്ണവ് മോഹന്‍ (21) എന്നിവരാണ് മരിച്ചത്

വടയാര്‍ ആറ്റുവേല ഉത്സവം കണ്ട് മടങ്ങുന്ന വഴി റെയില്‍വേ ട്രാക്കിലൂടെ നടക്കുന്ന സമയത്ത് എതിരെ ട്രെയിന്‍ വരുന്നത് കണ്ട് യുവാക്കള്‍ തൊട്ടടുത്ത ട്രാക്കിലേക്ക് മാറി. ഈ സമയം പിന്നില്‍ നിന്നും വന്ന ട്രെയിന്‍ ഇടിച്ചാണ് അപകടമുണ്ടായതെന്നാണ് വിവരം. മരണപ്പെട്ട യുവാക്കള്‍ രണ്ട് പേരും കോട്ടയം മംഗളം കോളേജിലെ ബിബിഎ വിദ്യാര്‍ത്ഥികളാണ്.