തിരുവനന്തപുരം: സംസ്ഥാനത്ത് 31,950 പേര്‍ക്ക് കൊവിഡ് സ്ഥിരീകരിച്ചു.112635 പരിശോധനകളാണ് കേരളത്തില്‍ കഴിഞ്ഞ 24 മണിക്കൂറിനിടെ നടന്നത്.

49 പേരുടെ മരണം കൊവിഡ് മൂലമാണെന്ന് സ്ഥിരീകരിച്ചു. നിലവില്‍ സംസ്ഥാനത്ത് 339441 പേരാണ് ചികിത്സയിലുള്ളത്. ഒരാഴ്ച്ച മുമ്പ് 198576 പേരായിരുന്നു ചികിത്സയിലുണ്ടായിരുന്നത്. രോഗബാധിതരുടെ എണ്ണം വര്‍ധിക്കുന്ന സാഹചര്യം കണക്കിലെടുത്ത് സംസ്ഥാനത്ത് നിയന്ത്രണങ്ങള്‍ കര്‍ശനമാക്കുമെന്ന് മുഖ്യമന്ത്രി പറഞ്ഞു.

 സംസ്ഥാനത്ത് തുടർച്ചയായി ആറാം ദിവസവും 30000-ൽ അധികം കൊവിഡ് കേസുകൾ റിപ്പോ‍ർട്ട് ചെയ്തിട്ടുണ്ട്. ഇതുവരെയുള്ളതിൽ ഏറ്റവും ഉയർന്ന ടെസ്റ്റ് പൊസിറ്റിവിറ്റി റേറ്റാണ് ഇന്ന് രേഖപ്പെടുത്തിയത്.