ഗുവാഹത്തി: ദലിത് നേതാവും കോണ്‍ഗ്രസ് എം.എല്‍.എയുമായ ജിഗ്‌നേഷ് മേവാനി അറസ്റ്റില്‍ . അസം പൊലിസാണ് അദ്ദേഹത്തെ അറസ്റ്റ് ചെയ്തത്. അഹമ്മദാബാദിലേക്ക് കൊണ്ടുപോയ ജിഗ്‌നേഷ് മേവാനിയെ ഗുവാഹത്തിയിലെത്തിക്കും.

ഇന്നലെ രാത്രി 11.30ഓടെ ഗുജറാത്തിലെ പാലന്‍പുരില്‍ നിന്നാണ് അറസ്റ്റ് ചെയ്തത്. ഗുജറാത്ത് വദ്ഗാം മണ്ഡലത്തിലെ എം.എല്‍.എ ആണ് ജിഗ്‌നേഷ് മേവാനി.

എന്നാല്‍ ഏത് വകുപ്പാണ് ജിഗ്‌നേഷിനെതിരെ ചുമത്തിയിട്ടുള്ളതെന്ന് വ്യക്തമല്ല. എഫ്‌ഐആര്‍ വിശദാംശങ്ങള്‍ നല്‍കാനും പൊലിസ് ഇതുവരെ തയ്യാറായിട്ടില്ലെന്നും മേവാനിയുമായി അടുത്ത വൃത്തങ്ങള്‍ അറിയിച്ചു. അസമില്‍ അദ്ദേഹത്തിനെതിരെ ചില കേസുകള്‍ ചുമത്തിയിട്ടുണ്ടെന്നാണ് പൊലിസ് പറഞ്ഞതെന്നും വിശദാംശങ്ങള്‍ അറിയില്ലെന്നും അവര്‍ കൂട്ടിച്ചേര്‍ത്തു.