പനാജി: കുപ്രസിദ്ധ മയക്കുമരുന്ന് മാഫിയ സംഘാംഗം ടൈഗര്‍ മുസ്തഫ ഗോവയില്‍ അറസ്റ്റില്‍. ഞായറാഴ്ച രാത്രിയില്‍ ഗോവയില്‍ വെച്ച് നര്‍കോട്ടിക് കണ്‍ട്രോള്‍ ബ്യൂറോ ആണ് മുസ്തഫയെ അറസ്റ്റ് ചെയ്തത്.

നര്‍കോട്ടിക് കണ്‍ട്രോള്‍ ബ്യൂറോയുടെ മുംബൈ, ഗോവ യൂണിറ്റുകള്‍ സംയുക്തമായാണ് ഗോവയിലെ ഹോട്ടലില്‍ റെയ്ഡ് നടത്തി ഇയാളെ കസ്റ്റഡിയിലെടുത്തത്. ഇയാള്‍ക്കൊപ്പം ഹോട്ടല്‍ ഉടമയെക്കൂടി അറസ്റ്റ് ചെയ്തിട്ടുണ്ട്.

ഹോട്ടല്‍ മുറിയില്‍ നിന്ന് വലിയ അളവില്‍ മയക്കു മരുന്നുകള്‍ പിടിച്ചെടുത്തിട്ടുണ്ടെന്നാണ് റിപ്പോര്‍ട്ടുകള്‍.