തിരുവനന്തപുരം: സില്‍വര്‍ലൈന്‍ പ്രതിഷേധക്കാരെ പങ്കെടുപ്പിച്ച് സംവാദത്തിനൊരുങ്ങി സര്‍ക്കാര്‍. പദ്ധതിക്കെതിരെ എതിര്‍പ്പ് ഉയരുന്ന സാഹചര്യത്തില്‍ പദ്ധതി നടത്തിപ്പുകാരായ കെറെയില്‍ വിദഗ്ധരുടെ ചര്‍ച്ചയാണ് സംഘടിപ്പിക്കുന്നത്.

സര്‍ക്കാര്‍ നിര്‍ദേശം അനുസരിച്ചാണ് ചര്‍ച്ച. സില്‍വര്‍ലൈന്‍ പദ്ധതിയെ എതിര്‍ക്കുന്ന വിദഗ്ധരെയും ചര്‍ച്ചയ്ക്കായി വിളിച്ചിട്ടുണ്ട്. ഏപ്രില്‍ 28ന് മാസ്‌കറ്റ് ഹോട്ടലാണ് വേദിയായി നിശ്ചയിച്ചിരിക്കുന്നത്.

പദ്ധതിയെ എതിര്‍ക്കുന്ന 3 പേരും അനുകൂലിക്കുന്ന 3 പേരും ചര്‍ച്ചയില്‍ സംസാരിക്കും. പദ്ധതിയെ എതിര്‍ക്കുന്ന, സില്‍വര്‍ലൈന്‍ ഡിപിആര്‍ തയാറാക്കുന്നതിനു രൂപീകരിച്ച സമിതിയില്‍ ഉണ്ടായിരുന്ന റിട്ട. ചീഫ് ബ്രിഡ്ജ് എന്‍ജിനീയര്‍ അലോക് വര്‍മ, ആര്‍വിജി മേനോന്‍, ജോസഫ് സി.മാത്യു എന്നിവരാണ് ചര്‍ച്ചയില്‍ പങ്കെടുക്കുന്നത്.