ന്യൂഡല്‍ഹി: മുസ്‌ലിം ലീഗ് എം.പിമാര്‍ ജഹാംഗീര്‍ പുരി സന്ദര്‍ശിച്ചു. വസ്തുതകള്‍ മനസ്സിലാക്കാനും പ്രദേശവാസികള്‍ക്ക് പറയാനുള്ളത് കേള്‍ക്കാനുമാണ് എത്തിയതെന്ന് ഇടി മുഹമ്മദ് ബഷീര്‍ എം.പി വ്യക്തമാക്കി.

'വായിച്ചറിഞ്ഞതിനേക്കാള്‍ ഭീകരമാണ് നേരിട്ടു കാണുമ്പോഴുള്ള അവസ്ഥ. ചെയ്യരുതേ എന്ന് പറഞ്ഞ് കരഞ്ഞ സ്ത്രീ ഇപ്പോഴും അവിടെ തന്നെ നില്‍ക്കുകയാണ്.വിഷയം പാര്‍ലമെന്റില്‍ ഉന്നയിക്കും. മാത്രമല്ല സമാന ചിന്താഗതിയുള്ളവരുമായി ചേര്‍ന്ന് ഇത്തരം അനീതികള്‍ ഇല്ലായ്മ ചെയ്യാനാവുന്നതെല്ലാം ചെയ്യും. നിയമപരമായോ അല്ലാതെയോ ഏത് തരത്തില്‍ ഇരകളെ സഹായിക്കാന്‍ കഴിയുമെന്നത് നോക്കും'- അദ്ദേഹം ആവര്‍ത്തിച്ചു.

പാര്‍ലമെന്റില്‍ ഉന്നയിക്കും. പാര്‍ലമെന്റ് സമ്മേളനത്തില്‍ ഉന്നയിക്കും. മറ്റു പാര്‍ട്ടികളുമായി കോഓര്‍ഡിനേഷന്‍ ഉണ്ടാക്കുമെന്നും അബ്ദുസ്സമദ് സമദാനി എം.പിയും വ്യക്തമാക്കി. തമിഴ് നാട് എം.പി നവാസ് ഗനിയും സംഘത്തിലുണ്ടായിരുന്നു.

[video width="848" height="480" mp4="https://suprabhaatham.com/wp-content/uploads/2022/04/WhatsApp-Video-2022-04-22-at-12.40.05-PM.mp4"][/video]