ന്യൂഡല്‍ഹി: ഇന്ത്യയില്‍ കൊവിഡ് വ്യാപനം ഭീകരമായ അവസ്ഥയിലാണെങ്കിലും ഏറ്റവും മോശമായ അവസ്ഥ വരാനിരിക്കുന്നേയുള്ളൂവെന്ന് ഗൂഗിള്‍ സി.ഇ.ഒ സുന്ദര്‍ പിച്ചൈ. 

അതേസമയം യു.എസ് പ്രസിഡന്റ് ജോ ബൈഡനും വിദേശകാര്യ സെക്രട്ടറി ബ്ലിങ്കനും ഇന്ത്യപോലെ മഹാമാരി ഗുരുതരമായി ബാധിച്ച രാജ്യങ്ങളെ സഹായിക്കാനുള്ള ഉദ്യമത്തിലാണെന്നും അദ്ദേഹം ചൂണ്ടിക്കാട്ടി.ആദ്യഘട്ടമായി യു.എസില്‍ നിന്ന് 440 ഓക്‌സിജന്‍ സിലിണ്ടറുകളും 9,60,000 ദ്രുതപരിശോധനാ കിറ്റുകളും കഴിഞ്ഞ വെള്ളിയാഴ്ച ഇന്ത്യയിലെത്തിയിരുന്നു. 

ഇന്ത്യയിലെ കൊവിഡ് ഗുരുതരമായി ബാധിച്ച മേഖലകളിലെ വൈദ്യോപകരണങ്ങളും മറ്റും വാങ്ങുന്നതിന് ഗൂഗിള്‍ 135 കോടി രൂപ നല്‍കുമെന്ന് ഒരാഴ്ച മുന്‍പ് സുന്ദര്‍ പിച്ചൈ പറഞ്ഞിരുന്നു.