കരിപ്പൂർ: കേന്ദ്ര ഹജ്ജ് കമ്മിറ്റി മുഖേന ഈ വർഷത്തെ ഹജ്ജിനുള്ള അപേക്ഷ സമർപ്പണം അഞ്ച് ദിവസത്തിനകം അവസാനിക്കും. കേരളത്തിൽ നിന്ന് ഇതുവരെ 14,227 പേരാണ് ഇത്തവണത്തെ ഹജ്ജിനായി അപേക്ഷിച്ചത്. ഫെബ്രുവരി 10ന് ആരംഭിച്ച അപേക്ഷ സമർപ്പണം മാർച്ച് പത്തിന് അവസാനിക്കും.

11,059 അപേക്ഷകളാണ് ജനറൽ വിഭാഗത്തിൽ ഇതുവരെ ലഭിച്ചത്. 70 വയസ്സ് വിഭാഗത്തിൽ 1119 പേരും മഹ്‌റമില്ലാത്ത സ്ത്രീകളുടെ (45 വയസ്സിന് മുകളിൽ) വിഭാഗത്തിൽ 2049 പേരും അപേക്ഷ സമർപ്പിച്ചിട്ടുണ്ട്.