ന്യുഡല്‍ഹി: രാജ്യത്ത് വിലക്കയറ്റം രൂക്ഷമാകുന്നതിനിടെ അവശ്യ സാധനങ്ങള്‍ക്കടക്കം നികുതി കൂട്ടാനൊരുങ്ങി കേന്ദ്ര സര്‍ക്കാര്‍. ജി.എസ്.ടി നിരക്ക് കുത്തനെ കൂട്ടാനൊരുങ്ങി കേന്ദ്ര സര്‍ക്കാര്‍.

നിത്യോപയോഗ സാധനങ്ങള്‍ ഉള്‍പ്പടെ 143 ഇനങ്ങളുടെ നികുതി വര്‍ധിപ്പിക്കാനാണ് ധനമന്ത്രാലയത്തിന്റെ നീക്കം. ഇക്കാര്യത്തില്‍ ജി.എസ്.ടി കൗണ്‍സില്‍ സംസ്ഥാനങ്ങളോട് അഭിപ്രായം തേടി. ചൂയിങ് ഗം മുതല്‍ ടെലിവിഷന്‍ വരെയുള്ള ഉത്പന്നങ്ങള്‍ക്ക് ഇനിയും നികുതി കൂടും.

ഏറ്റവും ഉയര്‍ന്ന നികുതി സ്ലാബായ 28 ശതമാനത്തില്‍ നിന്ന് 178 ഇനങ്ങളെ ഒഴിവാക്കാന്‍ 2017ലാണ് ജി.എസ്.ടി കൗണ്‍സില്‍ തീരുമാനിച്ചത്. ഇതേത്തുടര്‍ന്ന് ലോക്‌സഭാ തെരഞ്ഞെടുപ്പിന് മുന്നോടിയായി റസ്റ്റോറന്റ് അടക്കമുള്ളവയുടെ നികുതി കുറച്ചിരുന്നു. അന്ന് ഇളവ് നല്‍കിയവയ്ക്കാണ് ഇപ്പോള്‍ നിരക്കുയര്‍ത്തുന്നത്.