പട്ടിക്കാട്: ജാമിഅഃ നൂരിയ്യഃ അറബിയ്യഃ യുടെ കീഴിലുള്ള അഫ്ലിയേറ്റഡ് സ്ഥാപനങ്ങളുടെ കൂട്ടായ്മയായ കോ-ഓര്‍ഡിനേഷന്‍ ഓഫ് ജാമിഅഃ ജൂനിയര്‍ കോളേജ് 2020-21 അധ്യയന വര്‍ഷത്തെ പൊതുപരീക്ഷാഫലം പ്രസിദ്ധീകരിച്ചു.
ഹയര്‍ സെക്കണ്ടറി വിഭാഗത്തില്‍ ശംസുല്‍ ഉലമ അറബിക് കോളേജ് തോഡാര്‍ വിദ്യാര്‍ത്ഥികളായ മുഹമ്മദ് ശഫീഖ് പി.ബി ഒന്നാം റാങ്കും മുഹമ്മദ് ശബീര്‍ എടപ്പലം രണ്ടാം റാങ്കും, ദാറുന്നജാത്ത് കരുവാരക്കുണ്ട് വിദ്യാര്‍ത്ഥി ജംശീദ് മൂന്നാം റാങ്കും നേടി.
സെക്കണ്ടറി വിഭാഗത്തില്‍ അല്‍ ഹസനാത്ത് അറബിക് കോളേജ് മാമ്പുഴ വിദ്യാര്‍ത്ഥി അനീസ് ഓന്നാം റാങ്കും അല്‍ ഹിദായ ചെറുകോട് വിദ്യാര്‍ത്ഥി സല്‍മാനുല്‍ ഫാരിസ് രണ്ടാം റാങ്കും കോട്ടുമല അബൂബക്കര്‍ മുസ്ലിയാര്‍ സ്മാരക ഇസ്ലാമിക് കോംപ്ലക്സ് വിദ്യാര്‍ത്ഥി താജുദ്ദീന്‍ മൂന്നാം റാങ്കും നേടി.
സ്‌കൂള്‍ ഏഴാം തരം കഴിഞ്ഞവര്‍ക്ക് മതപഠനത്തോടൊപ്പം എസ്.എസ്.എല്‍.സി, പ്ലസ് ടു, ഡിഗ്രി എന്നിവ നല്‍കി എട്ട് വര്‍ഷം കൊണ്ട് ജാമിഅഃയുടെ വിവിധ ഫാക്കല്‍റ്റികളിലേക്ക് പ്രവേശന യോഗ്യമാക്കുന്നതാണ് സെക്കണ്ടറി വിഭാഗം. 13 സ്ഥാപനങ്ങളില്‍ നിന്നായി 133 വിദ്യാര്‍ത്ഥികളാണ് സെക്കണ്ടറി വിഭാഗത്തില്‍ പൊതുപരീക്ഷ എഴുതിയത്.

എസ്.എസ്.എല്‍.സി കഴിഞ്ഞവര്‍ക്ക് മതപഠനത്തോടൊപ്പം പ്ലസ് ടു, ഡിഗ്രി, തുടര്‍ന്ന് പി.ജി പഠനത്തിനും അവസരം നല്‍കി ആറ് വര്‍ഷം കൊണ്ട് ജാമിഅഃയുടെ വിവിധ ഫാക്കല്‍റ്റികളിലേക്ക് പ്രവേശന യോഗ്യമാക്കുന്നതാണ് ഹയര്‍ സെക്കണ്ടറി വിഭാഗം. എട്ട് സ്ഥാപനങ്ങളില്‍ നിന്നായി 177 വിദ്യാര്‍ത്ഥികളാണ് ഹയര്‍ സെക്കണ്ടറി വിഭാഗത്തില്‍ പൊതു പരീക്ഷ എഴുതിയത്.