മുംബൈ ക്രിക്കറ്റിൽ കൂടുതൽ അവസരങ്ങൾ ലഭിക്കാൻ കാനഡയിലേക്ക് ചേക്കേറാൻ ആഗ്രഹിച്ചിരുന്നതായി വെളിപ്പെടുത്തി ജസ്പ്രീത് ബുംറ. കാനഡയിൽ പോയി ജീവിക്കാനായിരുന്നു താൻ ആഗ്രഹിച്ചിരുന്നത്. ഇന്ത്യയിൽ ഏതൊരു കുട്ടിയും ക്രിക്കറ്റ് കളിക്കുന്നവരാണ്. ഒരു തെരുവിൽ കുറഞ്ഞത് 25പേർ ഇന്ത്യൻ ടീമിൽ കളിക്കാൻ ആഗ്രഹിക്കുന്നു.

തന്റെ ബന്ധുക്കൾ കാനഡയിൽ ഉണ്ടായിരുന്നു. പഠനത്തിന് ശേഷം കാനഡയിൽ പോകാനും അവിടെ ക്രിക്കറ്റ് കളിക്കാനുമായിരുന്നു തീരുമാനം. എന്നാൽ മാതാവിന് താൻ രാജ്യം വിട്ടുപോകുന്നതിനോട് താൽപ്പര്യമുണ്ടായിരുന്നില്ല. തുടർന്നായിരുന്നു ഇന്ത്യക്ക് വേണ്ടി കളിക്കാൻ ശ്രമം ആരംഭിച്ചത്. ഇപ്പോൾ ദേശീയ ടീമിനായി കളിക്കുമ്പോൾ സന്തോഷം തോന്നുന്നുണ്ട്. രാജ്യത്ത് കൂടുതൽ പേർ ക്രിക്കറ്റ് കളിക്കാരായതിനാൽ കളിയോടൊപ്പം മറ്റു പദ്ധതികളും വേണമെന്നും ബുംറ വ്യക്തമാക്കി.