മുംബൈ: ഐഎസ്എല്ലില്‍ ഒന്നാം സെമിഫൈനലിന്റെ ആദ്യപാദ മത്സരത്തില്‍ ബംഗളൂരുവിന് ജയം. ഏകപക്ഷീയമായ ഒരു ഗോളിനാണ് കരുത്തരായ മുംബൈ സിറ്റി എഫ്.സിയെ വീഴ്ത്തിയത്. മത്സരത്തിന്റെ 78ാം മിനിറ്റില്‍ സൂപ്പര്‍താരം സുനില്‍ ഛേത്രിയാണ് ബംഗളൂരുവിന്റെ വിജയ ഗോള്‍ നേടിയത്. റോഷന്‍ നൗറെമാണ് ഗോളിന് വഴിയൊരുക്കിയത്.

സ്വന്തം കാണികള്‍ക്കു മുന്നില്‍ തോല്‍വി വഴങ്ങിയത് മുംബൈക്ക് തിരിച്ചടിയായി. രണ്ടാംപാദ സെമി ബംഗളൂരു ശ്രീകണ്ഠീരവ സ്റ്റേഡിയത്തിലാണ്. ഗ്രൂപ് ഘട്ടത്തില്‍ ഇരുപതില്‍ 18 കളികളിലും തോല്‍വിയറിയാതെ ഒന്നാം സ്ഥാനക്കാരായി നേരിട്ടാണ് മുംബൈ സെമിയിലെത്തിയത്.