മുംബൈ: റോയല്‍ ചലഞ്ചേഴ്‌സ് ബാംഗ്ലൂരിനെതിരെ രാജസ്ഥാന്‍ റോയല്‍സിന് തകര്‍പ്പന്‍ ജയം. 145 റണ്‍സ് വിജയലക്ഷ്യവുമായി ഇറങ്ങിയ ബാംഗ്ലൂര്‍ 115 റണ്‍സ് എടുക്കുന്നതിനിടെ 19.3 ഓവറില്‍ ഓള്‍ഔട്ടായി. 23 റണ്‍സെടുത്ത ഫാഫ് ഡുപ്ലെസിയാണ് ബാംഗ്ലൂരിന്റെ ടോപ്പ് സ്‌കോറര്‍.

രാജസ്ഥാനു വേണ്ടി കുല്‍ദീപ് സെന്‍ നാലും അശ്വിന്‍ മൂന്നും വിക്കറ്റ് വീതം വീഴ്ത്തി. താരതമ്യേന കുറഞ്ഞ വിജയലക്ഷ്യവുമായി ഇറങ്ങിയ ആര്‍സിബിയ്ക്കും മോശം തുടക്കമാണ് ലഭിച്ചത്. ഓപ്പണിങ് ഇറങ്ങിയിട്ടും വിരാട് കോഹ്‌ലിക്ക് ഫോമിലേക്കെത്താന്‍ കഴിഞ്ഞില്ല.