തിരുവനന്തപുരം
കട്ടിലിൽനിന്നു വീണ് മണിക്കൂറുകളോളം എഴുന്നേൽക്കാൻ കഴിയാതെ കിടന്ന തിരക്കഥാകൃത്ത് ജോൺ പോളിനെ സഹായിച്ചില്ലെന്ന ആരോപണത്തിൽ അഗ്‌നിസുരക്ഷാ വിഭാഗത്തിന് വീഴ്ചയില്ലെന്ന് ഫയർഫോഴ്‌സ് മേധാവി ബി സന്ധ്യ.
സഹായം ആവശ്യപ്പെട്ട് ഫയർഫോഴ്‌സിന് വിളിവന്നിട്ടില്ലെന്നും ബി സന്ധ്യ വ്യക്തമാക്കി. അപകടസമയത്താണ് ഫയർഫോഴ്‌സ് ആംബുലൻസുകൾ ഉപയോഗിക്കുന്നത്. ജോൺപോളിനെ ആശുപത്രിയിൽ കൊണ്ടുപോകുന്നതിന് ആംബുലൻസ് ചോദിച്ചപ്പോൾ കൊടുത്തില്ല എന്നത് വാസ്തവിരുദ്ധമാണ്. സഹായത്തിന് വിളിച്ച തൃക്കാക്കര സ്‌റ്റേഷനിൽ ആംബുലൻസില്ല എന്നും സന്ധ്യ പറഞ്ഞു.