തിരുവനന്തപുരം: കല്ലമ്പലം വെയിലൂരില്‍ ബസ് കാത്തുനിന്ന വിദ്യാര്‍ഥികള്‍ക്കിടയിലേക്ക് കാര്‍ പാഞ്ഞു കയറി വിദ്യാര്‍ഥിനിക്ക്
ദാരുണാന്ത്യം. നിരവധി വിദ്യാര്‍ഥികള്‍ക്കു പരുക്കേറ്റു. മറ്റൊരു വിദ്യാര്‍ഥിനിയുടെ നില ഗുരുതരമാണ്.

കെ.ടി.സി.ടി ആര്‍ട്‌സ് കോളേജിലെ ബിരുദാനന്തര ബിരുദ വിദ്യാര്‍ഥിനിയും ആറ്റിങ്ങല്‍ സ്വദേശിയുമായ ശ്രേഷ്ഠ എം വിജയ് ആണ് മരിച്ചത്. ആല്‍ഫിയയെന്ന വിദ്യാര്‍ഥിനിയെ ഗുരുതര പരുക്കുകളോടെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

അപകടത്തില്‍ നിരവധി പേര്‍ക്ക് പരുക്കേറ്റു. ഇന്ന് വൈകിട്ട് മൂന്ന് മണിയോടെയായിരുന്നു അപകടം നടന്നത്. ബസ് സ്റ്റോപ്പില്‍ നിന്ന വിദ്യാര്‍ഥികള്‍ക്കിടയിലേക്ക് കൊല്ലം ഭാഗത്ത് നിന്ന് വന്ന കാര്‍ നിയന്ത്രണം വിട്ട് ഇടിച്ചുകയറുകയായിരുന്നു. വാഹനത്തിന്റെ ഉടമയെയും ഡ്രൈവറേയും കല്ലമ്പലം പൊലിസ് കസ്റ്റഡിയിലെടുത്തു.