ദുബൈ: ലോകത്തിന്റെ പട്ടിണി മാറ്റാനായി യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ നേതൃത്വത്തില്‍ ആരംഭിച്ച വണ്‍ ബില്യന്‍ മീല്‍സ് പദ്ധതി വന്‍ വിജയത്തോടെ അവസാനിച്ചു.
50 രാജ്യങ്ങളിലെ ദരിദ്രര്‍ക്ക് ഭക്ഷണം എത്തിക്കാനായി ആരംഭിച്ച പദ്ധതിയിലേക്കുള്ള സംഭാവനകള്‍ അസാധാരണമായിരുന്നു. 600 മില്യണ്‍ ഭക്ഷണം സംഭാവന ലഭിച്ചതായി അറിയിച്ച ശൈഖ് മക്തും 400 മില്യണ്‍ ഭക്ഷണം തന്റെ വകയായി നല്‍കുകയായിരുന്നു.
3,20,000 വ്യക്തികളും സ്ഥാപനങ്ങളും ഇതില്‍ പങ്കെടുത്തു. ലോകം ഇപ്പോള്‍ അനുഭവിക്കുന്ന ഭക്ഷ്യ സുരക്ഷാ വെല്ലു വിളികള്‍ക്കിടയില്‍ യു.എ.ഇ ജനതയുടെ സഹാനുഭൂതിയും മൂല്യങ്ങളുമാണ് ഇത് പ്രതിഫലിപ്പിക്കുന്നതെന്ന് ശൈഖ് മക്തും ട്വീറ്റ് ചെയ്തു.