കോട്ടയം: പേരൂരില്‍ മീനച്ചിലാറ്റില്‍ കുളിക്കാനിറങ്ങിയ രണ്ട് കുട്ടികള്‍ മുങ്ങിമരിച്ചു. പേരൂര്‍ ചെറുവാണ്ടൂര്‍ സ്വദേശി അമല്‍(16) നവീന്‍(15) എന്നിവരാണ് മരിച്ചത്. വ്യാഴാഴ്ച ഉച്ചയക്ക് ഒരു മണിയോടെ പള്ളിക്കുന്ന് കടവിലായിരുന്നു അപകടം.

നാല് കുട്ടികളാണ് പള്ളിക്കുന്നേല്‍ കടവില്‍ കുളിക്കാനെത്തിയത്. രണ്ടുപേര്‍ ഒഴുക്കിപ്പെട്ട് കാല്‍വഴുതി മുങ്ങിത്താഴുകയായിരുന്നു.

മരിച്ച അമല്‍ ഏറ്റൂമാനൂര്‍ ബോയ്സ് സ്‌കൂളിലെയും നവീന്‍ മാന്നാനം സെന്റ് എഫ്രേം സ്‌കൂളിലെയും വിദ്യാര്‍ഥികളാണ്. മൃതദേഹങ്ങള്‍ കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.