ദുബൈ: അഞ്ച്, ഏഴ്, പത്ത്, പ്ലസ്ടു ക്ലാസുകളിലേക്കുള്ള മദ്രസ പൊതു പരീക്ഷ ഇന്നും നാളെയും യു എ ഇ യില്‍ നടക്കും. ദുബൈ , അബുദാബി , ഷാര്‍ജ, അജ്മാന്‍, റാസല്‍ഖൈമാ, ഉമ്മുല്‍ ഖുവൈന്‍എന്നീ എമിറേറ്റുകളിലെ 18 സെന്ററുകളിലായി 2000 ല്‍ പരം വിദ്യാര്‍ത്ഥികള്‍ പരീക്ഷ എഴുതും. 35 സൂപ്പര്‍വൈസര്‍ മാര്‍ പരീക്ഷക്ക് നേതൃത്വം നല്‍കും. ഏറ്റവും കൂടുതല്‍ കുട്ടികള്‍ പരീക്ഷ എഴുതുന്നത് ദുബൈ സുന്നീ സെന്റര്‍ മദ്രസയിലാണ്. ഒമാനിലെ ഖസബിലും ഇതേ ദിവസങ്ങളില്‍ പരീക്ഷ നടക്കും.

ദുബൈ സുന്നി സെന്ററില്‍ സൂപ്പര്‍വൈസര്‍മാരെ പങ്കെടുപ്പിച്ചു നടത്തിയ ശില്‍പശാല യു.എ.ഇ എസ്.കെ.എസ്.എസ്.എഫ് നാഷണല്‍ കമ്മറ്റി പ്രസിഡന്റ് ശുഐബ് തങ്ങള്‍ ഉദ്ഘാടനം ചെയ്തു. അലവിക്കുട്ടി ഫൈസി മുതുവല്ലൂര്‍ അധ്യക്ഷത വഹിച്ചു. സുപ്രഭാതം സി.ഇ ഒ മുസ്തഫ മുണ്ടുപാറ , ഹംസ മൗലവി ആതവനാട് , സമദ് ഹുദവി പ്രസംഗിച്ചു. പരീക്ഷാ ബോര്‍ഡ് ചെയര്‍മാന്‍ ഇബ്രാഹിം ഫൈസി പെരുമളാബാദ് സ്വാഗതം പറഞ്ഞു.