ദുബൈ: യു.എ.ഇയില്‍ മഴപെയ്യാനുള്ള സാധ്യത ചൂണ്ടിക്കാട്ടി കാലാവസ്ഥാ കേന്ദ്രത്തിന്റെ റിപ്പോര്‍ട്ട്. ഇന്ന് യുഎഇയില്‍ ഭാഗികമായി മേഘാവൃതവും ചിലപ്പോള്‍ പൊടി നിറഞ്ഞ കാലാവസ്ഥയും ആയിരിക്കുമെന്ന് ദേശീയ കാലാവസ്ഥാ കേന്ദ്രം അറിയിച്ചു. ഉച്ചയോടെ കിഴക്കോട്ട് നേരിയ മഴയുമായി ബന്ധപ്പെട്ട ചില സംവഹന മേഘങ്ങള്‍ രൂപപ്പെടാന്‍ സാധ്യതയുണ്ടെന്നും കാലാവസ്ഥാ കേന്ദ്രം ചൂണ്ടിക്കാട്ടുന്നു.

നേരിയതോ മിതമായതോ ആയ കാറ്റ് വീശും, പകല്‍ സമയത്ത്, പൊടി വീശാന്‍ ഇടയാക്കും. രാജ്യത്ത് താപനില 37 ഡിഗ്രി സെല്‍ഷ്യസ് വരെ ഉയര്‍ന്നേക്കാം. അബുദാബിയിലും ദുബായിലും (ബുധന്‍ )34 ഡിഗ്രി സെല്‍ഷ്യസായി ഉയരും.

എന്നിരുന്നാലും, അബുദാബിയില്‍ 26 ഡിഗ്രി സെല്‍ഷ്യസും ദുബായില്‍ 24 ഡിഗ്രി സെല്‍ഷ്യസും ആന്തരിക പ്രദേശങ്ങളില്‍ 12 ഡിഗ്രി സെല്‍ഷ്യസും വരെ താപനില ക്രമാതീതമായി കുറയും. അബുദാബിയിലും ദുബായിലും ഈര്‍പ്പം 20 മുതല്‍ 60 ശതമാനം വരെ ആയിരിക്കും. അറേബ്യന്‍ ഗള്‍ഫിലും ഒമാന്‍ കടലിലും കടലില്‍ സ്ഥിതി നേരിയ തോതില്‍ ആയിരിക്കും.